ئەمریكا: سیستمی بەرگری موشەكی پاتریۆت دەبه‌ینه‌ عیراق

25/01/2020 - 17:42 نشر في عێڕاقی

دیجیتاڵ میدیاى سپێده‌

وتەبێژی وەزارەتی بەرگریی ئەمریكا دەڵێت: كورد و سوننە داوایانكردووە هێزەكانی ئەمریكا لە عیراقدا بمێننەوە. دەشڵێت: ئەمریكا سیستمی بەرگریی موشەكی پاتریۆت دەباتە عیراق.

جۆناسان هۆفمان وتەبێژی وەزارەتی بەرگریی ئەمریكا "پێنتاگۆن" لە پرێس كۆنفرانسێكدا رایگەیاند: نوێنەرانی كورد و سوننەكان داوایان كردوە هێزەكانی ئەمریكا لە عیراقدا بمێننەوە.

ئاماژەی بەوەشكرد: هێشتا ئەركی هێزە ئەمریكییەكان لە شەڕی دژی داعش كۆتایی نەهاتوە و عیراق بۆ ئەو شەڕە پێویستی بە ئەمریكا و هاوپەیمانێتیی نێودەوڵەتی هەیە.

وتەبێژەكە راشیگەیاند: واشنتۆن سیستمی بەرگریی مووشەكیی پاتریۆت لە چەند شوێنێك لە عیراق دادەمەزرێنێت، سوپای ئەمریكاش شوێنی دانانی ئەو سیستمە دەستنیشاندەكات.

ئاشكرایكرد: لە هێرشەكەی ئێراندا بۆسەر بنكەی سەربازیی عەین ئەلئەسەد لە عیراق، 34 سەربازی ئەمریكی برینداربون.


البنود ذات الصلة (بواسطة علامة)