هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

33 ساڵە، چیتان کردووه؟

بروامان به‌خۆمان كرد و قسه‌كه‌ی ئێوه‌مان په‌سه‌ند كرد كه‌ گرفتی موچه‌ به‌هۆی حكومه‌تی شۆڤینی به‌غداده‌وه‌یه‌ ( به‌چاوپۆشی له‌وه‌ی كه‌ ده‌سه‌لاتدارانی به‌غداد سه‌رۆك كۆماره‌كه‌ی سه‌ربه‌ یه‌كیتی یه‌ و پارتی په‌سه‌ندی كردوه‌ ، وه‌زیری ده‌ره‌وه‌ی نزیكترین كه‌سه‌كانی پارتی یه‌ ، جیگری سه‌رۆكی په‌رله‌مان و چه‌ندین وه‌زیر و پله‌ بالای حكومی پارتی و یه‌كیتین ) وامان دانا ده‌ساڵی رابردوش كه‌ هه‌موو ساڵی موچه‌ گرفتی هه‌بوه‌ و نه‌مردین وله‌ فه‌رهه‌نگی حوكمرانیدا زاراوه‌ی پاشه‌كه‌وت و ته‌مویل و لێبرین و كۆتا وشه‌ش به‌ بارمه‌ته‌گرتنی موچه‌ و داهاتمان بیست و بینی هه‌موو ئه‌مانه‌ش هه‌ر ده‌خه‌ینه‌ پاڵ حكومه‌ته‌ شۆڤینیه‌كه‌ی به‌غداد و ده‌لیین ئه‌وان هۆكار بوون له‌گه‌ل ئه‌وه‌ی كه‌ ئه‌م بروایه‌مان بۆ خۆمان دروستكردوه‌ به‌لام سه‌ر له‌م هاوكێشه‌یه‌ ده‌رناكه‌ین :-

1- 33 ساله‌ ئه‌م ده‌سه‌لاتدارانه‌ی هه‌رێم نه‌یانتوانیوه‌ كیشه‌ی كاره‌با چاره‌سه‌ر بكه‌ن !

2- 33 ساله‌ نه‌یانتوانیوه‌ كه‌رتی گواستنه‌وه‌ بره‌و پی بده‌ن و خه‌لك له‌بری ئۆتۆمبیلی شه‌خصی به‌ هۆكاره‌كانی گواستنه‌وه‌ی گشتی پاس و میترۆ و شه‌مه‌نده‌فه‌ر - له‌بیرمان نه‌چیت له‌ماوه‌ی رابردودا له‌لایه‌ن وه‌زیرێكه‌وه‌ به‌ به‌ڵێن و قسه‌ شه‌فه‌نده‌فه‌رگه‌یندرایه‌ هه‌موو كوردستان - ئه‌ركی رۆژانه‌یان ئه‌نجام بده‌ن هیچ نه‌بێت كه‌مێك ئه‌ركی خه‌ڵكی له‌و بواره‌دا كه‌م بكه‌نه‌وه‌ ئه‌مه‌ له‌ كاتیكدا له‌سه‌ره‌تای 90 ه‌ كانه‌وه‌ شێوازی گواستنه‌وه‌ له‌ناوشاردا به‌ پاص له‌ ئێستا باشتر بوو !

3- 33 ساله‌ كه‌رتی خویندنی داده‌ته‌پێت ، خویندنگه‌ و زانكۆ حكومیه‌كان وێران و هی ئه‌هلی و كۆمپانیاكانی خۆیان كراوه‌ته‌ جیگره‌وه‌ی خویندنی حكومی ئه‌وه‌ له‌ په‌روه‌رده‌ و پرۆگرام و داهینان و ئه‌و بابه‌تانه‌ هه‌ر مه‌پرسه‌ !

4- 33 ساڵه‌ كه‌ پارتی و یه‌كیتی حوكمرانن كه‌رتی كشتوكاڵ خراپ و خراپتر ده‌بێت وایان له‌ خه‌لكی گوند كردوه‌ له‌بری ئه‌وه‌ی چاوی له‌ زه‌ویه‌كانی خۆی بێت چاوی له‌ موچه‌یه‌كی تایبه‌تی ئه‌وان بێت وئه‌و كه‌رته‌یان ته‌واو وێران كردوه‌ ئه‌گینا هه‌ر ولاتیك ده‌شتی شاره‌زور و هه‌ریر و هه‌ناری هه‌له‌بجه‌ و خۆشناوه‌تی و گویزی هه‌ورامان و برنجی ئاكرێ و سه‌دان به‌رهه‌می تری ناوچه‌ جیاجیاكانی تری كوردستان ببوایه‌ ئێسته‌ ئه‌و كه‌رته‌ی له‌ نه‌وت و غاز به‌به‌رهه‌م تر ده‌بوو !

5- 33 ساله‌ ئه‌م هه‌ریمه‌ جوان و ره‌نگینه‌ له‌به‌ر ده‌ستاندایه‌ چیتان كردوه‌ بۆ گه‌شه‌پیدانی كه‌رتی گه‌شت و گوزار ؟ كام هاوینه‌هه‌وارتان گه‌شاندوه‌ته‌وه‌ و كام جیگه‌تان وا لی كردوه‌ كه‌ له‌بری گه‌شتیاری ناوخۆیی گه‌شتیاری ده‌ره‌كی لی نه‌بریت و پڕ بێت له‌ خه‌ڵكی ده‌ره‌وه‌ی هه‌ریمی كوردستان ئه‌م كه‌رته‌ش ئه‌گه‌ر خاوه‌نداریه‌كی دروستی هه‌بوایه‌ ئێسته‌ هینده‌ی بیره‌ نه‌وتیه‌كان داهاتی هه‌بوو !

6- 33 ساله‌ چیتان كردوه‌ له‌ كه‌رتی ته‌ندروستیدا بچن دۆخی خه‌سته‌خانه‌ حكومیه‌كان ببینن ! بازاری ده‌رمان و پیداویستیه‌كانی سه‌یر بكه‌ن و حالی نه‌خۆشخانه‌كانی توشبوانی شیرپه‌نجه‌ ببینن ئیتر هیچ قسه‌ و باسیكی ناوێت .

ئیوه‌ كه‌ ته‌نها چاوتان له‌ گومرگ و پاره‌ی مفتی نه‌وت بوو كه‌ هه‌ر به‌ كالی خواردتان نه‌ به‌رنامه‌تان هه‌یه‌ بۆ ئه‌و كه‌رتانه‌ی سه‌ره‌وه‌ نه‌ ده‌شتانه‌وێت به‌ره‌پێش بچن ته‌نها چاوتان له‌ خه‌سخه‌سه‌ كردنیانه‌ له‌ پیناو كۆمپانیا حیزبیه‌كانتان و ئیتر لای ئێوه‌ كوردستان پارویه‌كی چه‌وره‌ ته‌نها خۆتان و بۆ خۆتان ده‌تانه‌وێت ببێت ، ئه‌گه‌ر نا به‌ 33 ساڵ ده‌بوو ئێسته‌ هه‌ریمی كوردستان ( دوبه‌ی) ی راسته‌قینه‌ بوایه‌ نه‌ك دروشم و ناو..

. بابه‌تی هاوبه‌ش
  • لەئەنفال وڵاتانی دراسێ بەهانای کوردەوە نەهاتن

      کۆستی بەناو ئەنفال و قڕکردنی نەتەوەیەک14-4-1988 ئەو دەمەى گوندى ملە سورەو گوڵەجۆى حاجى حەمەجانى گەرميان سوتێراو دواتريش سەرجەمى خەڵكى ئەو گوندە ئەنفالكران ، ئيدى هەر ئەوكات ئابڕويەك بۆ ڕووى ڕەشى داگيركەران و هاوكاران و کاسە لێسان و ئەنجامدرانى ئەو

  • بەڕاستی چی بەختەوەر و دڵخۆشمان دەکات؟

    ئەنجامی توێژینەوەیەك كە نزیكەی 86 ساڵی خایاندووە لەبارەی بەختەوەری بڵاوكرایەوەو سەرۆكی پێشووتری ئەمریكاش جۆن كێنێدی بەشداری تیادا كردووە لە ساڵی ١٩٣٨ەوە واتە نزیکەی ٨٦ ساڵ لەمەوبەر توێژەرانی زانکۆی بەناوبانگی هارڤارد لێکۆڵینەوە لە هۆکارەکانی بەختەوە

  • بۆچی هەژماری من متمانەی نییە

    ئایا ئەتوانیت فشار لە بانکی ئەهلی بکەیت بۆ وەرگرتنی شایستەی خۆت ؟بە پێی ئەزموونی ڕابردوو لە هەرێمی كوردستان و عێراق زۆر زەحمەتە ، بە نموونە:تەنها لەساڵانی 2013 بودجەی 200 ملیۆن دۆلار لە کۆمپانیا نەوتیەکان دراوە بە حکومەتی هەرێم بۆ هەڵەبجە. بڕێک بودجە

نرخی دراوه‌كان

100 دۆلار
145,450 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار