ديجيتال ميديا سپێدە:
میدیایێن ئسرائیلێ بەلاڤكریە: سەروك وەزیرێن قەوارێ زایونی بنیامین ناتانیاهۆ زور یێ دلگرانە ژوێ یەكێ ژلایێ دادگەها تاوانێن نێڤدەولەتی بەرنیاس ب لاهای، فەرمانا دەستەسەركرنێ بو بهێتە دەركرن.
دڤی واریدا روژنامەیا مەعاریف یا ئسرائیلی ل ژمارەكا ژێدەران ڤەگوهاستیە، نەتانیاهۆ زور هەست ب ترس و دلگرانیێ دكەت ژوێ یەكێ ژلایێ دادگەها لاهای فەرمانا دەستەسەركرنێ بو بهێتە دەركرن.
ژێدەران خویاكریە: نەتانیاهۆ لدەمێ چەند روژێن بوری دا، زنجیرەیەكا پەیوەندیێن تەلەفونی دگەل سەركردە و بەرپرسێن وەلاتان ئەنجامدایە و ژوانا سەروكێ ئەمریكا جۆ بایدن، هەتا گڤاشتنان لسەر دادگەها لاهای بكەت، داكو دادگەها تاوانێن نێڤدەولەتی فەرمانا دەستەسەركرنێ بو دەرنەكەت.
تەكەزكریە: ئەگەر بێت و لاهای فەرمانا دەستەركرنێ بو نەتانیاهۆی دەربكەت، ل وی دەمی دێ ب كەسەكێ ستەمكار هێتە هژمارتن، لەورا پێكولان ددەت هەتا ئەو فەرمان لدژی وی بهێتە ژناڤبرن.
روژا 21ێ ڤێ هەیڤێ، نەتانیاهۆی لدور فەرمانا دەستەسەركرنێ ژلایێ دادگەها لاهای لدژی وی یانژی هەر كەسەكێ حكومەتا وی، گوت: بریارێن دادگەها تاوانێن نێڤدەولەتی كاریگەری لسەر سەرەدەریێن ئسرائیلێ نابیت.
دەركرنا فەرمانا دەستەسەركرنێ ژلایێ لاهای، ژبەر دەستدرێژیێن ئسرائیلێ یە بو سەر كەرتێ غەززە، بەریا نوكەژی ئسرائیل ب تاوانا جینۆسایدێ هاتیە تۆمەتبار كرن.
