دیجیتال میدیا سپێدە:
كومسیونا هەلبژارتنێن عیراقێ رادگەهینیت: بو ئەنجامدانا هەلبژارتنا پەرلەمانێ كوردستانێ، هەتا نوكە هیچ دەمەك نەهاتیە دیاركرن. هەر چەندە پتریا ئامادەكاریێن هەلبژارتنا پەرلەمانێ كوردستانێ ژلایێ كومسیونێ هاتینە كرن.
عیماد جەمیل پەیڤدارێ كومسیونا هەلبژارتنێن عیراقێ رادگەهینیت: پتریا ئامادەكاریان بو هەلبژارتنا پەرلەمانێ كوردستانێ ژلایێ كومسیونێ هاتینەكرن، دنوكەدا بەردەوامین ل تەمامكرنا ئامادەكاریێن دی بو هەلبژارتنێ.
جەمیل گوتژی: مە پێدڤی ب چوار هەیڤان هەیە بو ئەنجامدانا هەلبژارتنا پەرلەمانێ كوردستانێ، ل هەیڤا حوزەیرانێ دشێین پروسێ رێڤەببەین، هەروەسا گیروكرنا ڤی دەمی ژی ب ئاریشە ناڤبر.
لبارا دەمێ رێڤەچوونا هەلبژارتنێ، پەیڤدارێ كومسیونا عیراقێ ئاماژێ دكەت: پێشدیتنێ دكەین ل نیڤا دوویێ یا هەیڤا حوزەیرانێ هەلبژارتنا هەرێمێ رێڤەبچیت. لێ دەمێ وێ دێ ژلایێ حكومەتا كاربرێكەرا هەرێمێ هێتە دیاركرن و راگەهاندن.
دیاركر: دنوكەدا هیچ دەمەكێ دیاركری لبەردەستێ وان نینە بو ئەنجامدانا هەلبژارتنێ.
لدەمەكی ل ناڤەراستا ڤێ هەیڤێ نوێنەرێ كومسیونا هەلبژارتنێن عیراقێ و سەروكاتیا هەرێمێ ب ئامادەبوونا نوێنەرێ یونامی ل سەروكاتیا هەرێمێ لبارا هەلبژارتنا پەرلەمانێ كوردستانێ كومبوو، دیاركر، لدەستپێكا هەیڤا حوزەیرانێ هەلبژارتنێ دێ رێڤەچیت.
