دیجیتال میدیا سپێدە:
ئەندامەكێ لیژنا دارایی ل پەرلەمانێ عیراقێ رادگەهینیت: ئەگەر ل چەند روژێن داهاتیدا جڤاتا وەزیرێن عیراقێ راستڤەكرنا یاسایا بودجەی بهنێریتە پەرلەمانی، دشێن وەرزێ یاسادانانێ بو دەمێ دوو هەیڤان درێژبكەنەڤە.
موعین كازمی ئەندامێ لیژنا دارایی ل پەرلەمانێ عیراقێ رادگەهینیت: دشێن وەرزێ یاسادانانا پەرلەمانی بو دەمێ دوو هەیڤان درێژ بكەنەڤە. ئەگەر بێت و ل چەند روژێن داهاتیدا حكومەتا عیراقێ راستڤەكرنا یاسایا بودجەی پەسەند بكەت و بهنێریتە پەرلەمانی ژپێناڤ پەسەند كرنێ.
كازمی ئاماژەكر: پەسەندكرنا راستڤەكرنا یاسایا بودجەی، جوداهی دگەل پەسەندكرنا یاسایێ، ل بنەرەتدا دێ كێمتر درێژی هەبیت. بڤی رەنگی كو پتریا گورانكاریێن راستڤەكرنێ، گهورینا ژمارایە.
كازمی دیاركر: ژ ئەگەرێ نەگەهشتنا راستڤەكرنا یاسایا بودجەی بو پەرلەمانی، دێ حكومەتێ دوو بژاردە لبەردەست هەبن، ژوانا: درێژكرنا وەرزێ یاسا دانانێ ب رێككەفتنا سیاسی، خالا دوویێ ژی: مەزاختنا هەژیێن داراییێن پەرەپێدانا پارێزگەهـ و وەزارەتان لدور یاسایا بودجەی.
