دیجیتال میدیا سپێدە:
بێ مووچە، بێ نان، دێ پێشڤە چین، بەلێ بەرەڤ چ؟!
"بێ مووچە ژی دێ كۆردستان بەرەڤ پێشڤە چتن"، كادرەكێ پێشكەفتیێ حزبی یێ خوەجهی گۆتنا ناڤبری دجیت و ڤەدجیت!
ئەز ژی دۆپات دكم ئەرێ واللە ڕاستە، بەرەڤ بەڵاڤبوونا هەژاریێ ب ڕەنگەگێ زۆر ترسناك، بەرەڤ هەلوەشیانا تەماما ئابووری، ئانكۆ: موحەقەق بەرەڤ نهالا ژناڤچۆنێ دێ بلەز وەڵات و هەڤوەڵاتی هێنە ئاژۆتن!
ئەڤا ئەم دبێژن، ئەنجامێ لۆژیكیێ ستەما گەندەڵیێ و هەژاركرنێیە ل هەر جهەکێ هەبتن، مێژۆ و ژیوارێ چڤاكی و سیاسی و كۆمەڵایەتی ل وەڵاتێن ب گەندەڵیێ و هەژاریێ بەر ئاتاڤ بووین هەمان ڕاستیێ ڤەدگێڕن، بەرێ خوە بدن وێ ڕاستیێ چ ل ئاسیا بتن، ئەفریكا، ئەمریكا لاتینی و هەر وەسا هەتا بگەهییە ئوڕوپا ڕۆژهەلات ژی مینا: (بيلاروسيا، سۆماڵ، زمبابوی، كولومبيا، مەكسيك، كۆمارا سلفادور، ميانمار، بەنگلادش)، ئەڤ وەڵاتە ل سەرێ لیستا وێ ڤەكۆلینێیە یا سەنتەرێ (US News) ل دۆر ل كارتێكرنا وێڕانكارا گەندەڵیێ ل وەڵاتێن جیهانێ پێ ڕابووی و بەڵاڤكری، خۆیا دبت ئەڤ دەولەتێن ناڤێن وان بۆرین بەرەڤ ڕەوشەکا پیسا خرابڤە دچن!
گەندەڵى وەكی (کۆفی ئەنان) سکرتێری گشتیێ پێشتر یێ نەتەوەیێن ئێکگرتی وەسفا خراب كارتێكرنا وێ كری: "کاریگەرییا پڕەلایەنی و هەمەجۆری لەسەر پێکهاتەیا چڤاكان هەیە)
یێ بچەك ئەقل د سەرێ ویدا هەی چارەنڤێسێ ڕەشتاریێ كۆردستانێ ژ ئەگەرێ مەزنترین تاوانا گەندەڵییا خوارن و چەپكرنا مۆچەی دبینت كا چ مەرگەساتە، بەرۆڤاژی هەمی گۆتنێت بێ ئەسل و بونیات یێن ب خوش خوشکان و ب پڕۆپاکندەیا زەرا سوفێتییا ئکسپایەر توز و غوبارێ دهاڤێژنە چاڤێت هاوڵاتییاندا، بەردەوام ل ڕۆژا نیڤرۆ دڤێن خاپاندنەكا ئاشكەرایا سۆر ب سۆر بکن، هەر وەكی خەلك هەتا نهۆ تێنەگەهشتینە و چ جاران ژی تێناگەهن!
