دیجیتال میدیا سپێدە:
ڕێكخراوا زارۆكان بەرنیاس ب یونسێف سەر ب نەتەوەیێن ئێگرتی ڕاگەهاند: ژمارا زارۆكێن ژ دایكبوویی ل كەرتێ غەززە ل پشتی بوویەرێن 7ی ئوكتوبەرا 2023 گەهشتینە 20 هزار زارۆكێن نوی، وئاشكراكر: ل هەر 10 خولەكان ل كەرتێ غەززە زارۆكەك ژ دایك دبیت.
تیس ئینگرام، پەیڤدارا یونسێف ڕاگەهاند: تا نوكە ڕێژا گیان ژ دەستدانا زارۆكێن نوی ژ دایكبوویی دیار نینە، وگوت: ڕەوشا ژنێن دوو گیان و زارۆكێن نوی ژدایك بوویی زوور یا خرابە وناهێتە وێنەكرن ژبەر نەبوونا چاڤدێریا نوژداری وچارەسەری ودەرمانان.
ئینگرام ڕاگەهاند ژی: دەما مە سەرەدانا غەززە كری، ژن هەبوو دناڤ نەزیفا خوینێ دا گیانێ خۆ ژ دەستدایە، و هەروەسا مە دیت چەوا نوژداران زارۆك ژ جەستەیێ شەش ژنێن گیان ژ دەست دایی ڕزگار كرینە، د دەمەكیدا ئەو شەش ژن ژبەر بوردومانێن سوپایێ زایونی هاتبوونە شەهید كرن لێ زارۆكێن وان دناڤ زكێ واندا هاتینە ڕزگاركرن.
هەروەسا ئاشكراكر: ل پشتی بوویەرێن 7ی ئوكتوبەرا 2023، ل كەرتێ غەززە 20 هزار زاروكێن نوی ژدایك بوینە و ل هەر 10 خولەكان ژی زاروكەكێ نوی ژدایك دبیت.
بەری نوكە ژی رێكخراوا نەتەوێن ئێكگرتی راگەهاندبوو: ب هزاران زاروك ل كەرتێ غەززە د رەوشەكا زور خراب دا ژدایك بوینە وشەرێ ل سەر غەززە ناهێتە وێنەكرن.
