ئەمڕۆ شاندێكی نەتەوە یەكگرتووەكان تایبەت بە پرسی بەڕێوەچوونی هەڵبژاردنی پەرلەمانی سەردانی بارەگای سەرەكی یەكگرتووی ئیسلامی كوردستانیان كرد لە شاری هەولێر و لە لایەن سەیدا خەلیل ئیبراهیم ئەندامی ئەنجومەنی جێبەجێكردن و د.محەمەد هاودیانی بەرپرسی دەزگای پەیوەندیەكان و عبدالعزیز هاشم كارگێری دەزگای پەیوەندیەكان پێشوازی لە شاندەكە كرا، كە پێكهاتبوون لە بەرپرسی بەشی سیاسی لە نوسینگەی عێراقی نەتەوە یەكگرتووەكان لەگەڵ ژماریەك ڕاوێژكاری هەردوو نوسینگەی هەولێر و بەغدای یۆنامی.
لەم دیدارەكەدا یەكگرتوو لەگەڵ یۆنامی دوایین پێشهاتە سیاسیەكانی هەرێم وعێڕاقیان تاوتوێ كرد.
یەكگرتوو جەخت لەسەر ئەوە كردوە كە پێویستە هەرچی زووە كێشەی موچەخۆرانی هەرێم چارەسەر بكرێت و خەڵكی كوردستان لەم بارودۆخە ناخۆشە ڕزگاریان ببێت وهەروەها هیوایان خواست هەڵبژاردنی پەرلەمانی هەرێمی كوردستان لەكاتی خۆیدا بكرێت و بەو پەڕی پاك خاوێنی و هەڵبژاردنەكە لەژێر چاودێری نێودەوڵەتی ئەنجامبدرێت بۆ ئەوەی پڕۆسەی سیاسی ودیموكراسی لەهەرێم گەشەی زیاتر بكات.
لای خۆیانەوە شاندەكەی نەتەوە یەكگرتووەكان سوپاسییەكگرتوویان كرد تایبەت بە دید و بۆچونە سیاسیەكانی و بەشداری كارایی یەكگرتووی ئیسلامی كوردستان و سەرجەم حزبەكانیان لەهەڵبژاردنی پەرلەمانی كوردستان بەگرنگ زانی بۆ خزمەتی پڕۆسەی سیاسی و دیموكراسی لە هەرێم.
