بانكی ناوەندیی عێراق رایدەگەیەنێت، لایەنی ئەمریکی رەزامەندیان نیشانداوە بۆ جێبەجێکردنی داواکارییەکانیان بۆ ناردنی دۆلاری کاش لە ساڵی تازەدا.

ئەمڕۆ پێنجشەممە بانكی ناوەندیی عێراق لە راگەیەندراوێكدا بڵاویكردەوە: شاندی بانكەكەیان كۆتایی بە كۆبوونەوەكانی لەگەڵ شاندی یەدەگی فیدراڵی و وەزارەتی گەنجینەی ئەمریكا لە دوبەی هێناوە

ئاماژەی بەوەشكردوە: كۆبوونەوەكە كۆمەڵێك رێككەوتنی لێبەرهەم هاتووە تایبەت بە پاڵپشتیی سیاسەتی بانكی ناوەندی لە ئاراستەكردنی بانكە عێراقییەكان بۆ بونیادنانی پەیوەندی لەگەڵ بانكە نێردەرەكان و هەنگاونانی پلەبەندی پرۆسەی پەرەپێدانی رەسیدی پێشینەی ئەژمارەی ئەو بانكانە.

ئەوەشی خستووەتە روو: وەزارەتی گەنجینەی ئەمریکا و یەدەگی فیدڕاڵی ئەمریکا رەزامەندییان دەربڕیووە لەسەر جێبەجێکردنی داواکارییەکانی بانکی ناوەندی عێراق بۆ ناردنی پارەی کاش بۆ ساڵی 2024.