دیجیتال میدیا سپێدە:
دیجیتال میدیا سپێدە:
ئەنجومەنێ جێبەجێكرنێ یێ یەكگرتوو بەیاننامەیەكێ بەڵاڤدكەت.
تێدا هاتییە: یەكگرتوویا ئیسلامیا كوردستانێ بەردەوامە لسەر (پرۆژەیێ چوارچوڤەیێ نشتیمانی دەنگێن نەرازی) كو ڤەكرییە ل هەمبەر سەرجەم هێز و ڕێكخراو كەسایەتیێن نەرازی یێن جاددەیا كوردستانێ
بسم الله الرحمن الرحیم
بەلاغا دوكاهیێ یا كۆمبوونا ئەنجومەنێ جێبەجێكرنێ یێ یەكگرتوویا ئیسلامییا كوردستانێ
ڕۆژا دوو شەمبی 4/3/2024 ئەنجومەنێ جێبەجێكرن یێ یەكگرتوویا ئیسلامییا كوردستانێ ب سەرپەرشتییا بەڕێز مامۆستا صلاح الدین محمد بها‌ءالدین ئەمیندارێ گشتیێ یەكگرتوو و د. هادی عەلی سەرۆكێ ئەنجومەنێ سەركردایەتیێ ، د. محەممەد ئەحمەد سەرۆكێ دەستەیا بلندا چاڤدێریێ و ئەندامێن ئەنجومەنی كۆمبوونا ئاساییا خۆ ل باژێرێ هەولێرێ ئەنجامدا.
ل دەستپێكا كۆمبوونێ ئەمیندارێ گشتیێ یەكگرتوو پیرۆزباهیا هاتنا هەیڤا رەمەزانێ كر و ژ خودایێ مەزن داخواز كاربوو هاتنا ئەڤێ هەیڤێ بكەتە جهێ خێر و خۆشی و ئاشتی و سەقامگیریێ بۆ موسلمانێن جیهانێ و خەلكێ عێراق و هەرێما كوردستانێ بتایبەتی، هەیڤا رەمەزانێ ببیتە جهێ سەركەفتنا موسلمانێن غەززە و دوماهی ئینان ب وێ قەتلوعاما بەرانبەر ب ژن و زارۆك و وەڵاتیێن مەدەنی دهێتەكرن ژلایێ رژێما داگیركارا زایۆنیڤە.
د بەشێكی دی یێ كۆمبوونێدا ئەمیندارێ گشتیێ یەكگرتوو تیرۆشك ئێخستنە سەر ڕەوشا هەرێما كوردستانێ و عێراق و دەڤەرێ و ڕووداو و پێشهاتێن ئێخستنە بەر بەحس و گەنگەشەكرنێ، ب مەرەما وەرگرتنا هەلویستەكێ پێدڤی و دەستنیشانكرنا ئەرك و بەرپرساتیا قۆناغێ.
ئەنجومەنێ جێبەجێكرن ل چوارچوڤەیێ ئامادەكاریێن هەلبژارتنا پەرلەمانێ كوردستانێ بەحسێ راپۆرتا لژنەیێن هەلبژارتنا ( هەولێر و دهۆك و سلێمانی و هەڵەبجە) كر و تەئكید كرییە كو یەكگرتوویا ئیسلامیا كوردستانێ بەردەوامە لسەر (پرۆژەیێ چوارچوڤەیێ نشتیمانی دەنگێن نەرازی) كو ڤەكرییە ل هەمبەر سەرجەم هێز و ڕێكخراو كەسایەتیێن نەرازی یێن جاددەیا كوردستانێ، ب هیڤیا ئەوێ چەندێ هەلبژارتنا (10/6/2024) دەستپێكا قۆناغەكا نوی بیت ژ گۆرانكاریێن ریشەیی .
ل بەشەكێ دی كۆمبوونێ زێدەباری نرخاندنا بریارا دادگەها فیدراڵی سەبارەت ب مووچە خورێن هەرێمێ ڕژدییەكرییە هەردوو حكومەتێن هەرێم و ناڤەند زوی دەست بكەن ب دابەشكرنا مووچەیی د دەمێ خودا.
ئەنجومەنێ جێبەجێكرن یادا شکۆدارا ڕاپەرینا پێنجێ ئادارێ ساڵا (1991) بلند دا زانین و هیڤی خواست كو ئارمانجا ڕاپەرینێ بشێوەیێ كرداری جێبەجێ بكەن و ل ئاستێ قوربانیێن راپەرینا گەلێ مەدا بین، ئاماژە ب وێ ژی دایە كو پشتی سی و سێ ساڵێن رزگاریێ و ئازادیێ، جهێ داخێیە د نوكە تەماما ئەزموونا مە ب قۆناغەكا سەختا سیاسیدا دەربازدبیت و پێدڤییە ب وێ چەندێ ڕژدی و بەرپرسیارانە مامەلەیا ڕەوشێ بهێتەكرن و ئاریشەیێن ناڤخۆیی و دەرەكی ب زوی چارەسەر بكەین .
