أخــبــار آراء الــبــرامــج الــحــلــقــة ريـــاضــة اتــصــل بــنــا مــن نــحــن
په‌خشی ڕاسته‌وخۆ

زانكۆیا زاخۆ لدور بابەتێ نیقابێ دناڤ هولێن تاقیكرناندا، ڕوونكرنەك بەڵاڤكر

دیجیتال میدیا سپێدە:

رۆنکرنەک ژ زانکۆیا زاخۆ... بابەتێ ئەڤرۆ ل زانکۆ یا زاخۆ ڕۆیدایی، ژلایێ هندەک کەناڵێن ڕاگەهاندنێ ب شێوەیەکێ نەدورست هاتییە بەڵاڤکرن.

وەکو دیار زانکۆیا مە ئێکە ژ ئەوان زانکۆیان، هەر زوی پشکا خواندنێن ئیسلامی ڤەکرییە و هەتا نوکە خواندن ل ئەڤێ پشکێ یا بەردەوامە و هەروەسا ژ ئەوان زانکۆیانە یێن هەتا نوکە بڕیارا قەدەغەیا (نیقاب)ـێ لێ نەهاتییە دان، قوتابی لسەر ئەڤێ چەندێ ئاگەهدارن و بۆ دەمێ چەند ساڵانە ب دەهان قوتابییێن باڵاپۆش ل هەمی پشکێن زانکۆیێ هەنە.

بۆ ئێکجار ژی زانکۆیێ چ ڕێکار بەرامبەری ئەوان نەگرتینە بەر و ئەو ب ئازادانە د ناڤا زانکۆیێدا و بێی هیچ ڕێگرییەک وەکی هەمی قوتابییێن دی سەرەدەری لگەل دهێتە کرن. بابەتێ ئەڤڕۆ ژبەر هەبوونا گەلەک ڕەوشێن چاڤەڕێنەکری و بابەتێن قوپیایێ و هندەک ئاریشەیێن دی، قوتابی پێشتر هاتینە ئاگەهدارکرن، کۆ پێدڤییە بتنێ بۆ دەمێ ئەزموونان (نيقاب)ـێن خۆ ژبەر چاڤێن خۆ ڕابکەن، بەلێ ئەوان گوهـ ب ئەڤێ چەندێ نەدایە، پاشان لژنەیا ئەزموونی گۆتییە ئەوان قوتابیان، کۆ دێ چاڤدێرەکا ئافرەت بەری ئەزموونێ ئەوان پێشکنین کەت، بەری بچنە د هۆلا ئەزموونانڤە، بەلێ هندەک ژ ئەوان قوتابییان ڕازی نەبووینە کو ئەوان پێشکینن بکەن.

ڕاگەهاندنا سەرۆکاتییا زانکۆیا زاخۆ ١٢-٥-٢٠٢٤

. مواضیع ذات صلة