دیجیتال میدیا سپێدە:

دەزگایێ پیشەیێن یەكگرتوو د به‌یاننامه‌یه‌كێدا ب هەلكەفتا ڕۆژا جیهانییا كرێكاران ڕاگەهاند: جهێ داخێیە ساڵ لدویڤ ساڵێ كرێكار ل عێراقێ و كوردستانێ ڕی ب ڕیێ كارەساتان بووینە و ژ ئەگەرێ نەبوونا كوالێتیا ژین پارێزیا وان تووشی مەرگ و زیانێ دبن.

ده‌قی به‌یاننامێ:

بناڤێ خودایێ مەزن و دلوڤان

- جەماوەرێ سەربلندێ كوردستانێ

- كرێكارێن ماندوونەناس و ب خزمەت

- دەستێن خزمەتێ یێن ئاڤەدانی و ڤەژاندن و ژیانێ

قەیران و ئاریشەیێن دارایی و ئابووریێن ئەڤان چەند ساڵێن بووری، خەلكێ كوردستانێ ب گشتی و تەحا كرێكاران ب تایبەتی ئێخستییە ڕەوشەكا دژوار و نە سرووشتی و بارێ ژیانا وان سەخت و دژوارتر كر، هەر چەندە وەڵاتان پلان و نەخشەیێ ئاڤاكرنێ كاری بۆ خزمەتا زێدەتر یا كرێكاران دكەن و خزمەتكرنا ئەڤان تەخان ل پێشیییا كارێن خۆ داناینە..

بجهێ داخێیە ساڵ لدویڤ ساڵێ كرێكار ل عێراقێ و كوردستانێ ڕی ب ڕیێ كارەساتان بووینە و ژ ئەگەرێ نەبوونا كوالێتیا ژین پارێزیا وان تووشی مەرگ و زیانێ دبن ..

حكومەتا هەرێما كوردستانێ ب ڤەكرنا دەرگەهـی ل هەمبەر كرێكارێن بیانیدا دەرفەت بۆ كرێكارێن ناڤخۆیی بەرتەنگ كرییە، یاسایێن بەركار وەكی پێدڤی د خزمەتا واندا نینن ..

هەر ژبەر ڤێ یەكێ وەكی دەزگایێ پیشەیین یەكگرتوویا ئیسلامیا كوردستانێ زێدەباری پیرۆزباهیێن مە یێن گەرم ل كرێكارێن ئاڤاكەرێن نشتیمانی، داخوازكارین حكومەت و وەزارەتا كار و كاروبارێن كۆمەڵایەتی د خەمێن جدی یێن ئەڤێ تەخێ و ب دەستەبەركرنا بیمەیا كۆمەڵایەتی و گرنتیا ژیانا ئایندەیی بۆ وان، ب ئەركێ سەرملێن خۆ ڕابن ...

پیرۆز بیت ڕۆژا جیهانییا كرێكاران ... سەركەفتی بیت خەباتا مەدەنی یا مافخوازان.

 

دەزگای پیشەییەكانی یەكگرتوو

30/4/2023