دیجیتال میدیا سپێدە:
سەرۆکێ بەرێ یێ ئەمریکا و کاندیدێ کۆماریییان بۆ پۆستێ سەرۆکێ وەڵاتی، دۆناڵد ترەمپ ل پشتی پێكولا كوشتنا وی بۆ ئێكەمجار ل هەمبەر خەلكی دەردكەڤیت.
ترەمپی بەشداری د کۆنگرەیێ نیشتمانیی یێ پارتی کۆماریخوازاندا کر کو ل میلوۆکێ هاتبوو سازکرن.
د دەمەكیدا بەشداربوویێن کۆنگرەیی ب چەپڵەڕێزانێ پێشوازی ل ترەمپی کرن، ئەوی ژی ب گرنژین ڤە سڵاڤێ لێدكەت.
ترەمپ ب گوهێ بریندار و پێچایڤە بەشداری د کۆنگرەیدا کر، جەی دی ڤانس-ژی دگەلدا بوو کو وەکی جێگرێ سەرۆکی دەستنیشان کرییە.
سەرۆکێ بەرێ یێ ئەمریکا ترەمپ، ڕۆژا شەمبیێ د كڤانێ بەشداریکرنێ د کۆمبوونەكا جەماوەریدا لدور هەلبژارتنان کو ل پێنسیلڤانیا سازکربوو، د دەمێ گوتاردانێدا ڕوو ب ڕوویێ هێرشا چەکداری بوویە و گوهێ وی برینداربوو، هەڤدەم کەسەكێ ناڤ کۆبوونا جەماوەری هاتە كوشتن و دوو کەسێن دی ژی برینداربوون.
