ديجيتال میدیا سپێدە:
سپێدەهیا ئەڤرو دوو چەكدارێن داعشێ ل ناحیا قەرەهەنجیر یا سەرب پارێزگەها كەركوكێ، رووبرووی هێزێن ئاسایشێ بوون، تیرورستەكێ پشتێنا بومبەكری گرێدابوو، ئێك هاتە كوشتن و یێ دیژی ب برینداری دەستەسەركر.
دبەیانەكێدا دەزگەهێ ئاسایشا هەرێمێ راگەهاندیە: سپێدەهیا ئەڤرو ل ناحیا قەرەهەنجیر، هێزێن ئاسایشا كەركوكێ ل ئەنجامێ دەستخستنا زانیاریێن بەروەخت، ب مەرەما دەستەسەركرنا دوو چەكدارێن داعشێ، رووبرووبون روویدا، تێدا تیرورستەك هاتە كوشتن و یێ دیژی ب برینداری دەستەسەركر.
ئاماژەكر: ڤان هەردوو چەكدارێن داعشێ ب مەرەما ئەنجامدانا كریارێن تیرورستی، بەرەڤ دەڤەرێ هاتبوون. ل رابوریدا ل كریارا ئێكێ دا كارمەندەكێ پولیس شەهید كربوو ل تاخێ شوڕاو، ل كریارا دوویێ ژی ل تاخێ پەنجا عەلی لدەمێ دانانا بومبەكا چاندی، رووبرووبون روویدا، تێدا كارمەندەكێ پولیسان شەهیدبوو، هەروەسا ل كریارا سێ یێ دا، دوو كارمەندێن دی یێن پولیس دناڤ باژارێ كەركوكێ شەهید كرن، ل كریارا چوارێدا ل هەمبەر نەخوشخانا جمهوری ئەفسەرەكێ پولیسان شەهید كر.
ئاشكراكر: ل ئەنجامێ رووبرووبونێ ل قەرەهەنجیر، كارمەندەكێ ئاسایشێ بناڤێ (جوامێر عەزیز ڕەشید) شەهیدبوو و كارمەندەكێ دیژی برینداربوو.
