دیجیتال میدیا سپێدە:
د هەلبژارتنێن پەرلەمانی دا، ڤێجارێ ل وەلاتێ بەریتانیا ژمارەیەكا پیڤانەیی ژ وەلاتیێن موسلمانان دبنە ئەندامێن پەرلەمانی وژمارا وان ژی دگەهیتە 25 كەسان.
دهەلبژارتنێن جڤاتا پەرلەمانیا بەریتانیا دا یێن ل رێكەفتی 4ی ڤێ هەیڤێ برێڤەچوی، دناڤبەرا 89 ئەندامان ژكێمینەیان دا 25 كەسێن موسلمان سەركەفتن بدەستڤە ئینایە و دێ بنە ئەندامێن نویێن پەرلەمانێ بەریتانیا.
ژحزبا كرێكاران 18 ئەندامێن موسلمان كورسیێن پەرلەمانی بدەستڤە ئیناینە، ل حزبا موحافزین، موسلمانان دوو كورسی بدەستڤە ئیناینە، ئێك كورسی ژی ل حزبا دیموكراتێن لیبرالی، دناڤ بەربژارێن سەربەخو ژی یێن بەرەڤانی ل كەرتێ غەززە كری، 4 كەس ژموسلمانان سەركەفتن ئینایە وچوینە دناڤ پەرلەمانێ بەریتانیا دا.
دهەلبژارتنێن گشتی یێن سالا 2019 دا، 19 بەربژارێن موسلمان شیاینە بچنە دناڤ پەرلەمانێ بەریتانیا دا، و 15 بەربژار ژی ل هەلبژارتنێن 2017 دا سەركەفتن ئینا بوو.
دڤێ هەلبژارتنێ دا حزبا كرێكارێن بەریتانیا ژبو ئێكەمجارە سەركەفتنێ بدەستڤە بینیت و ب بدەستڤە ئینانا 412 كورسیان ل پەرلەمانی ژ سەرجەمێ 650 كورسیان.
ژمارا موسلمانان ل وەلاتێ بەریتانیا دگەهیتە نزیكی ئێك ملیۆن و 500 هزار كەسان، ئێكەمجارە ژی ژمارا كورسیێن موسلمانان دناڤ پەرلەمانێ بەریتانیا دا بگەهیتە ڤێ ژمارا پیڤانەیی.
