دیجیتال میدیا سپێدە:
نەتەوەیێن ئێكگرتی بەڵاڤكرییە کو ل ساڵا ٢٠٢٢ێدا ل سەرانسەری جیهانێدا ٢٩٢ ملیۆن کەس ماددەیێ هشبەر بکارئینایە، د دەمێ ٢٠ ساڵێن بووریدا ڕێژەیا بکارئینانا ماددەیێ هشبەر سەدێ ٢٠ زێدە بوویە.
نڤیسینگەها ناڤدەولەتی یا نەتەوەێن ئێكگرتی بۆ ماددەێن هشبەر و تاوانان (UNODC)، ڕاپۆرتا جیهانی یا ماددەیێن هشبەر یا ساڵا ٢٠٢٤ێ بەڵاڤكرییە کو داتایێن گرێدایی ساڵا ٢٠٢٢ێ بخۆڤە دگریت.
د ڕاپورتێدا بەحس ژ وێ یەكێ كرییە كو ل ١٠ ساڵێن بووریدا ڕێژەیا بکارئینانا ماددەیێ هشبەر سەدێ ٢٠ زێدەبوویە و، ل ساڵا ٢٠٢٢ێدا ل سەرانسەری جیهانێدا ل سەرجەمێ ١٨ کەسان كو ژیێ وان دناڤبەرا ١٥ تا ٦٤ ساڵیدا ئێك کەس ماددەیێ هشبەر بكارئینایە.
هەروەها د ڕاپۆرتێدا ئاماژە ب وێ یەكێ كرییە كو ل ساڵا ٢٠٢٢ێدا ٢٩٢ ملیۆن کەسان ماددەیێ هشبەر بکارئینابە و، ئەو ماددەیێ هشبەرێن زۆرترین بکارهاتی ماریجوانایە و، ٢٢٨ ملیۆن کەسان ئەڤ ماددەیە بکارئینایە.
د ڕاپۆرتێدا بەحس ل وێ یەكێ كرییە كو نێزیکی ٦٠ ملیۆن کەسێن ماددەیێن هشبەر یێن دەستكرد بکارئینایە كو دبێژنێ "opioid"، ٣٠ ملیۆن کەسان ماددەیێ ژ جۆرێ ئەمفیتامین، ٢٣،٥ ملیۆن کەس کۆکاین و ٢٠ ملیۆن کەس ژی ئیکستاز بکاردئینن.
د بەشەكێ دی یێ ڕاپۆرتێدا تیرۆشک ئێخستنە سەر ئەوێ یەكێ کو ژمارەیا ئەوان کەسێن ژ ئەگەرێ ماددەیێن هشبەر تووشی نەخۆشیێ بوون و چاڤەڕێی وەرگرتنا چارەسەریێنە گەلەك زێدە بووینە و، ل ساڵا ٢٠٢٢ێدا ٦٤ ملیۆن کەس ژ ئەگەرێ ماددەیێن هشبەر ڕوو ب ڕوویێ ئاریشەیێن ساخەمیێن جۆراوجۆر بووینە.
