دیجیتال میدیا سپێدە:
ئەمیندارێ گشتیێ یەكگرتووی ئیسلامی كوردستان پەیامەكا دەستخوشیێ ئاراستەی رێكخراوێن خێرخوازیێن رابیتا مروڤی و هانا و بەختەوەری دكەت.
دپەیامەكێدا مامۆستا سەلاحەدین محمد بهائەدین ئەمیندارێ گشتیێ یەكگرتوو دەستخوشیێ ل رێكخراوێن خێرخوازیێن رابیتا مروڤی و هانا و بەختەوەری و بەرپرس و كارمەندێن وێ دكەت و رادگەهینیت: لدوماهیا جیهادا كەرنەڤالا مروڤی یا جوانیا قوربانیێ دا، هەڤدەم دگەل جەژنێ و راگرتنا بێناز و هەژاراندا، هەڤدەم دگەل لبیك اللهم لبیك یا حەجیاندا، پڕ ژدل دەستخوشی و سوپاسیا هەوە دكەم، ب ڤیانڤە زەحمەت و ماندیبوون و جیهادا هەوە بلند ددەمە زانین، هون جهێ شانازییا مەنە، هەوە كارەكێ پڕ بها ئەنجامدا لسەر حسابا جەژن و بێهنڤەدانا خو و یا مالباتێن خو.
ئەمیندارێ گشتیێ یەكگرتوو دبێژیت: هەوە ئەڤسالە ئەركەكێ مروڤی و ئیمانی و ئەخلاقیێ مەزن ژ نوونەرایەتیا هەمی گەلێ مە بو ستەملێكریێن غەززە ئەنجامدا، هەر بڤی رەنگی، هەوە جوانیا هەناسا مروڤانیا كوردان گەهاندە ئەفریقیا، خودایێ مەزن ژهەوە قەبول كربیت و ببیتە جهێ خێر و سەربلندیێ و سەلامەتیێ بو مال و زاروكێن هەوە، بو دونیا و قیامەتا هەوە.
ئەمیندارێ گشتی دپەیاما خودا خویاكریە: هەر بڤی رەنگی بو وان خێرخوازێن رێزدار یێن باوەری ب هەوە كری و بەخشینێن خو داینە دەستێن هەوە، داخازا حەسەنات و سەلامەتی و سەربلندیێ بو دخازین، هەر بڤی رەنگی ئەو رێزدارێن وەك هەوە دكەن، دەستێ خێر و خزمەتێ بو كەسانێن زیانڤێكەتی و بێنازان درێژ دكەن، داخازا سەركەفتنێ بو دخازم. نمونەیێن وەك هەوە زور بن و هەردەم ل خێر و خوشیێ دا بن.
