دیجیتال میدیا سپێدە:
بانكا تی بی ئای ئێكەمین كومەلا كارتێن بانكی یێن فەرمانبەران رادەستی وەزارەتا داراییا هەرێمێ كریە، كارتا بانكی ژبو 368 فەرمانبەران ل سەرجەم وەزارەتان دا.
وەزارەتا دارایی وئابوریا حكومەتا كاربرێكەر بەلاڤكریە: دچوارچوڤێ پروسا ب بانكیكرنا موچێ فەرمانبەرێن هەرێمێ بانكا تی بی ئای ئێكەمین كومەلا كارتێن بانكی یێن فەرمانبەرێن هەرێمێ رادەست كرینە، وكارتا بانكی یا 368 فەرمانبەران ل سەرجەم وەزارەتێن حكومەتا كاربرێكەرە.
خویاكریە : وەزارەتا دارایی وئابوریا هەرێمێ تا نوكە ب سێ لیستان داتا و زانیاریێن سێ هزار و 378 فەرمانبەران ژبو بانكا بازركانیا عیراقێ رەوانەكرینە ژبو مەرەما بانكیكرنا موچێن وان.
روژا 3ی ئایارا ئەڤ سالە بانكا بازرگانیا عیراقێ د نڤیسارەكێ دا راگەهاندبوو: بەرهەڤیێن تەمام ژبو دەستپێكرنا پروژێ بانكیكرنا موچێ فەرمانبەرێن هەرێما كوردستانێ كریە و داخاز ژی كریە وەزارەتا داراییا هەرێمێ هەمی وەزارت و رێڤەبەریێن خو هایدار بكەت ولدور بریارەكا دادگەها فیدرالی لدەمەكێ كێم دا دشێین موچێ موچەخوران ب بانكی بكەین.
