دیجیتال میدیا سپێدە:
ژ ئەڤرو پێدا ل هەرێما كوردستانێ دێ دەست ب وەرگرتنا گەنمێ جوتیاران بو سایلویان هێتە كرن وبەری نوكە ژی وەزارەتا چاندنێ راگەهاندیە: پێدڤیە ئەڤرو دەرگەهێن سایلویان د ڤەكری بن.
ئەڤرو ل باژێرێنن هەرێما كوردستانێ دێ دەست ب وەرگرتنا گەنمێ جوتیاران هێتە كرن وبتنێ 700 هزار تەن ژگەنمێ جوتیاران دێ هێتە وەرگرتن.
دوهی ژی بێگەرد تالەبانی وەزیرا چاندنێ دكونگرەیەكێ روژنامەڤانیدا راگەهاندبوو: سەرباری نەرازیبونا مە، ئەم رازی بوین عیراق 700 هزار تەنێن گەنمێ جوتیارێن هەرێما كوردستانێ وەربگریت، چونكی پێدڤیە ئەڤرو دەرگەهێن سایلویان بێنە ڤەكرن.
بەری نوكە ژی بەغدا داخاز ل هەرێما كوردستانێ كریە، روپیڤانا زەڤیێن داچاندنی بكەت، هەروەسا رێژا بارانبارینێ لدور هەیڤان بو رەوانە بكەن، هەروەسا ئەو زەڤیێن دكەڤنە دناڤ ماددێ 140 بێنە جودا كرن دگەل چەندین داخازیێن دی وهەمی داخازی هاتینە جێبەجێكرن، هەمی داتا و زانیاری ب یاسایی پێشكێشی هەمی لایەنێن عیراقێ كرینە.
