دیجیتال میدیا سپێدە:
دەستەیا پەخشێ زایۆنی بەلاڤكریە: سەركردێن سێ حزبێن ئوپوزسیونێ دێ كومبن ژبو گوتوبێژكرنا پلانا لادانا حكومەتا بنیامین نتنیاهۆ یی سەرۆك وەزیران.
راگەهاند ژی: بریارە سبەهی سەركردێن هەر ئێك ژحزبا پاشەرۆژ بسەروكاتیا یائیر لابید، وحزبا بەیتونا ب سەروكاتیا ئەفیگدرو لیبرمان، سەركردێ حزبا راستڕەو جەدعون ساعر كۆمببن وتێدا دێ گوتوبێژان پلانێن لادانا حكومەتا ناتانیاهۆی كەن.
ژلایێ خوڤە یائیر لابید، سەروكێ حزبا پاشەرۆژ یا ئوپوزسیونا زایۆنی راگەهاند: ناتانیاهۆی دەستهەلاتا خو یا ژدەستدای ومە پێدڤی ب حكومەتەكا ئاقل هەیە ئاریشێن مە چارەسەر بكەن، مەسەرۆك وەزیرانەكێ ماندی نەناس دڤێت و یێ تاوانبار ژی نەبیت ب زۆر ژ بویەران.
سەروكێ حزبا بەیتونا ژی ئێڤاریا دوهی داخاز ل جدعون ساعر و بینی گانتس و یائیر لابیدی كریە هەڤپەیمانیەكا هەڤبەش پێكبینین ژبو لادانا ڤێ حكومەتێ.
ل 18ی ڤێ هەیڤێ بینی گانتس موهلەت دایە بنیامین نتنیاهۆی هەتا 8ی هەیڤا بهێت، ستراتیژییەتەكا نوی وئ اشكرا بۆ شەڕی بدانیت، ئەگەر نە دێ خو ژحكومەتا وی ڤەكێشیت.
پشتی تۆفانا ئەقسا، حكومەتا ناتانیاهۆی رابو ب پێكئینانا حكومەتا هەوارهاتنێ وپێكئینانا جڤاتا شەری ژبو بەرهنگاربوونا حەماسێ. لێ تانوكە حكومەتا وی ئارمانجێن خو یێن شەری بدەستڤە نەئینانە و ئوپوزسیونا زایۆنی ژی ئاماژێ ب شكەستا ناتانیاهۆی دكەن لدور شەرێ سەر غەززە.
