دیجیتال میدیا سپێدە:
شاندەكێ وەلاتێ قەتەر ب مەرەما ڤەكرنا كونسولخانا خو ل هەرێما كوردستانێ، گەهشتنە باژارێ هەولێرێ، بریارە سوباهی روژا ئێك شەمبی كونسولخانا قەتەر ل هەولێرێ بهێتە ڤەكرن.
هەڵگورد ساڵەیی شیرەتكارێ فەرمانگەها پەیوەندیێن دەرڤەیێن هەرێمێ راگەهاندیە: شاندەكێ قەتەری ب سەروكاتیا دكتۆر ئەحمەد حەسەن ئەمیندارێ گشتیێ وەزارەتا دەرڤەیا قەتەر سەرەدانا هەولێرێ كریە ب مەرەما گرنگیدان ب پەیوەندیێن قەتەرێ دگەل هەولێرێ.
گوتژی: ئارمانجا سەرەكیا شاندێ قەتەر بو هەرێمێ، ڤەكرنا كونسولخانا گشتیا قەتەرێ یە ب رەنگەكێ فەرمی ل باژارێ هەولێرێ.
ئاماژەكر: ب مەرەما پەرەپێدانا پەیوەندیێن دناڤبەرا هەرێمێ و قەتەر ل هەموو بیاڤاندا، لدور پلانان، بریارە سوباهی روژا ئێك شەمبی كونسولخانا قەتەر ل هەولێرێ بهێتە ڤەكرن.
