دیجیتال میدیا سپێدە:
جێگرێ ئێكێ یێ سەروك كوماری محمد موخبر لجهێ ئیبراهیم رەئیسی سەروك كومارێ وەغەركری وەك سەروك كومارێ دەمی هاتیە دیاركرن، روژا 28ێ حوزەیرانێ وەك روژا هەلبژارتنا سەروكێ كوماری دیاركر.
لدور ئاژانسا فەرمیا ئیرانێ ئیرنا، محمد موخبر سەروك كومارێ دەمكی یێ ئیرانێ دگەل سەروكێ پەرلەمانێ وەلاتی و دەستەیا دادوەری كومبوو بو دیاركرنا روژا هەلبژارتنا سەروكاتیا كوماری، پشتی كومبونێ دبەیانەكێدا راگەهاند: هەلبژارتنا سەروكاتیا كومار دێ ل روژا 28ێ حوزەیرانێ هێتە ئەنجامدان.
ئەو كەسێن حەزا خو بەربژاركرنێ هەیە بو هەلبژارتنا سەروكاتیا كوماری، پێدڤیە ل روژێن 30ێ ئایارێ بو 3ێ حوزەیرانێ داخازیێ پێشكێش بكەن.
هەروەسا كارێن هەوا هەلبژارتنێ ژی ل روژا 12ێ حوزەیرانێ بو سپێدەهیا روژا 27ێ حوزەیرانێ دێ برێڤەچیت.
جڤاتا پارێزەرێن دەستورێ ئیرانێ ب پابەندبون ب دەستوری و پشتی رازیبونا رێبەرێ وەلاتی عەلی خامەنەیی، پوستێ سەروكاتیا كوماری رادەستی جێگرێ ئێكێ یێ سەروكێ كوماری محمد موخبر هاتەكرن.
لدور دەستورێ ئیرانێ، پێدڤیە ئەو دەستەیا ل سەروكێ پەرلەمانی و سەروكێ دەسەلاتا دادوەری و جێگرێ یێ سەروك كوماری دهێتە پێكئینان، پێرابونێن پێدڤی ئەنجامبدەن ب ئارمانجا هەلبژارتنا سەروك كومارێ نوی لدەمێ 50 روژاندا.
