دیجیتال میدیا سپێدە:
فەرماندێ ناڤەندا هێزێن ئەمریكا رەتدكەت، ئەڤرو شەمبیێ هیچ هێرشەكا ئاسمانی ل عیراقێ ئەنجامدابیت و رادگەهینیت: ئەڤ دەنگویێن لسەر ڤێ یەكێ دهێنە بەلاڤكرن، دوورن ژ راستیێ.
فەرماندێ ناڤەندا هێزێن ئەمریكا بەیانەك لبارا وان دەنگویان بەلاڤكر یێن بەحس ل هێزێن ئەمریكا دكەت كو هێرشا ئاسمانی كربیتە سەر بارەگەهەكێ حەشدا شەعبی ل پارێزگەها بابل
گوتژی: ئەم ژوان راپورتان ئاگەهدارین كو بانگەشا وێ یەكێ دكەن كو ئەڤرو ئەمریكا هێرشا ئاسمانی ل عیراقێ ئەنجامدایە. ئاماژەكر: ئەو راپورت ژراستیێ دوورن، ئەڤرو ئەمریكا هێرشەكا ئاسمانی ل عیراقێ ئەنجام نەدایە.
ئەڤە لدەمەكیدایە، بەریا نوكە میدیایێن عیراقێ‌ل هژمارەكا ژێدەرێن ئەمنی ڤەگوهاستبوو كو ئەڤرو شەمبیێ بارەگەهەكێ حەشدا شەعبی ل پارێزگەها بابل ب ئاراستەكرنا دوو موشەكان بومباران كریە.
ژلایێ خوڤە دەستەیا حەشدا شەعبی دبەیانەكێدا راگەهاندیە: پەقینەك ل بارەگەهەكێ حەشدا شەعبی ل بنگەهێ (كالسو) ل ناحیا مەشروع ل پارێزگەها یابل روویدا، تێدا زیانێن گیانی و ماددی لێ پەیدابوون.
