دیجیتال میدیا سپێدە:
پشتی هنارتنا لیستا موچەخورێن هەرێمێ ژلایێ وەزارەتا داراییا حكومەتا كاربرێكەرا هەرێمێ بو بەغدا، بریارە ل ناڤەراستا ڤێ حەفتیێ وەزارەتا داراییا عیراقێ موچێ فەرمانبەرێن هەرێمێ بهنێریت.
وەزارەتا داراییا عیراقێ بژڤانە ل ناڤەراستا ڤێ حەفتیێ وی گوژمێ پارەی بهنێریت یێ بو موچێ فەرمانبەرێن هەرێمێ تەرخانكری، ئەڤەژی پشتی هویربینی و پەسەندكرنا وێ لیستا ژلایێ وەزارەتا داراییا حكومەتا كاربرێكەرا هەرێمێ هاتیە هنارتن. لدور زانیاریان، گوژمێ تەرخانكری ل 950 ملیار دیناران زێدەترە و ئەڤ گوژمە موچێ هێزێن ئەمنیێن هەرێمێ ژی ڤەدگریت.
وەزارەتا داراییا عیراقێ ڕژدی كرییە: پێدڤیە وەزارەتا داراییا هەرێمێ مووچێ مووچەخوران بێ گیروكرن دابەش بكەت، دڤێت ل هەمان دەمدا بیت كو عیراق مووچێ فەرمانبەرێن خۆ دابەش دكەت.
راگەهاند: مووچێ فەرمانبەران و مووچەخورێن عیراقێ یێ هاتیە مسوگەركرن و هیچ ئاریشەك ل دابەشكرنا موچەیدا نیە.
