نـــووچـــه‌ گــوتــار بـه‌رنـامـه‌ درامـــا ئــابــووری پـه‌یـوه‌نـدی ده‌ربارێ مه‌
په‌خشی ڕاسته‌وخۆ

هەرێم.. بڕیارە د ڤێ حەفتیێدا پرسا دابەشكرنا موچەی ئێكلا ببیت

دیجیتال میدیا سپێدە:

پشتی دەست بسەرداگرتنا موچەی ژلایێ حكومەتا كاربرێكەرا هەرێمێ‌، دنوكەدا دەنگویەك هەیە لڤێ‌ حەفتیێ دا لیستا موچەی بهێتە راگەهاندن و دەست ب دابەشكرنا موچەی بهێتەكرن.

لدەمێ‌ 5 هەیڤاندا، ل سالا رابوری وەرە هەتا نوكە موچەخوران بتنێ‌ ئێك موچە وەرگرتیە، بو دەمێ‌ زێدەتری حەفتیەكێ‌ یە بەغدا پارێ‌ پێدڤی بو دابەشكرنا موچێ‌ فەرمانبەرێن هەرێمێ‌ یێ هنارتی، لێ‌ ب هیجەتا نەهنارتنا پارێ‌ پێدڤی، دەست بسەر موچێ‌ فەرمانبەراندا گرتیە.

لدور زانیاریان، نڤیسینگەها سەروك وەزیرێن عیراقێ‌ داخاز ل حكومەتا كاربرێكەرا هەرێمێ‌ كریە، بو چارەسەركرنا موچێ‌ هێزێن ئەمنی، پێدڤیە هەرێم بتنێ‌ كودا هێزێن ئەمنی بهنێریت و دێ‌ پارێ‌ بو هێتە مەزاختن.

لدور چەند ژێدەرەكان، روژا چوارشەمبی، وەزارەتا داراییا هەرێمێ‌ دەستكریە ب ئامادەكرنا كودا هێزێن ئەمنی و روژا پێنج شەمبی لیستا كودێن هەموو هێزێن ئەمنی هنارتینە بەغدا، سودانی بخو سەرپەرشتیا پروسێ‌ دكەت، سوزا دای لڤێ‌ حەفتیێ تەڤایا پارەی بو هێزێن ئەمنیێن هەرێمێ‌ بهنێریت.

ژێدەرەكی ل وەزارەتا داراییا هەرێمێ‌ راگەهاندیە: دگەل گەهشتنا پارەی، ل ناڤەراستا ڤێ‌ حەفتیێ دێ‌ دابەشكرنا موچێ‌ هەیڤا دوو دەستپێكەت و لدەمێ‌ ئێك حەفتیدا دێ‌ هێتە دابەشكرن.

. بابه‌تی هاوبه‌ش