دیجیتال میدیا سپێدە:
دادگەها بلندا فیدرالیا عیراقێ، وەزارەتا ڤەگوهاستنا حكومەتا عیراقی پابەند دكەت ب قەدەغەكرنا مالپەرێن سێكسی و ئاشكرا دكەت: پێدڤیە بریار بهێنە جێبەجێ كرن.
روژنامەیا سەباح بریارەكا دادگەها بلندا فیدرالیا عیراقێ بەلاڤكریە وراگەهاندیە: دادگەهێ وەزارەتا ڤەگوهاستنا حكومەتا عیراقی پابەند دكەت ب راگرتنا مالپەرێن سێكسی، و وان ئەپلیكەیشنێن كارێ بەدرەوشتیێ بەلاڤ دكەن.
خویاكریە: پێدڤیە سەرجەم ئەو مالپەرێن كارێ بەدرەوشتیێ بەلاڤ دكەن، بهێنە داخستن و فلتەر لسەر بێنە دانان دناڤ عیراقێ دا، ژبەر كو دێ بنە ئەگەر ژبو تێكدانا رەوشتێ كومەلگەهی.
روژنامەیا سەباح ئاماژەكریە: بریارا دادگەهێ لدور بریارا ژمارە 331 هاتیە جێگیركرن ل 13ی ئادارا 2024 دێ هێتە جێبەجێكرن.
بریارا دادگەها بلندا فیدرالی ددەمەكێ دایە سالا رابوری ژی پەرلەمانێ عیراقێ یاسایەكا تایبەت لسەر دەركربوو، لێ ژبەر هەبوونا دەهان رێكێن دی ژبو ڤەكرنا مالپەرێن سێكسی وبكارئینانا چەند كۆدان، بونە ئەگەر وان بریاران كاریگەری نەبیت.
