دیجیتال میدیا سپێدە:
ئێك ژ ئەندامێن دادگەها فیدرالیا عیراقێ ژ پشكا پارتی دەست ژكارڤەكێشانا خۆ راگەهاند.
دادوەر عەبدولرەحمان سلێمان زێباری، ئێكە ژوان دوو دادوەرێن كورد یێن ل سەر پشكا كوردان ل دادگەها فیدرالیا عیراقێ هاتینە دانان دەست ژكارڤەكێشانا خو راگەهاند.
ناڤهاتی دكونگرەیەكێ روژنامەڤانیدا راگەهاند: هندەك ژ بریارێن دادگەها فیدرالیا عیراقێ دچوارچووڤێ كارێ دادگەهێ دەررچوینە و گوت: مە پێكولكرن ب ئارمانجا جێگیركرنا سیسەمێ فیدرالی ل عیراقێ كار بكەم، وگوت: من نەشیا ل دادگەها فیدرالی بەرەڤانیێ ژ مافێن هەرێما كوردستانێ بكەم، لەورا دەست ژكارڤەكێشانا خو ل دادگەها فیدرالی رادگەهینم، ژبلی ڤێ ژی پێدڤی بوو دادگەها فیدرالی پشتەڤانی ل بهێزكرنا هەرێمان كربا، لێ دادگەها فیدرالی ئەڤ كارە نەكر.
خویاكر: هندەك جاران دادگەها بلندا فیدرالی سیستەمێ فیدرالیێ عیراقێ بنپێكریە، و رولێ مە وەك نوونەرێن هەرێما كوردستانێ‌َ ل دادگەها فیدرالی دا لاواز كر.
دادگەها فیدرالیا عیراقێ ژ 9 ئەندامان پێكهاتیە، دوو ژوان كوردن، ئێك ژ وان لسەر پشكا هەولێر ودهوك ژلایێ پارتیڤە هاتیە دانان، و ئێك ژی ل سەر پشكا سلێمانیێ ژلایێ ئێكەتیڤە هاتیە دانان، دنوكە دا ژبەر بریارێن دادگەها فیدرالی ل هەمبەری هەرێما كوردستانێ وپرسا هەلوەشاندنا پەرلەمانی و كورسیێن كوتایان و دابەشكرنا موچەی ژلایێ بەغداڤە، دلگرانیا پارتی لێ پەیدابوویە وبڤێ ژی دادوەر عەبدولرەحمان سلێمان ژپشكا ناڤچەیا هەولێر ودهوك دەست ژكارڤەكێشانا خو ل دادگەها فیدرالیا عیراقێ راگەهاند.
