دیجیتال میدیا سپێدە:
بهەلكەفتا هاتنا هەیڤا رەمەزانا پیرۆز، ماموستا سەلاحەدین محمد بەهائەدین ئەمیندارێ گشتیێ یەكگرتووی ئیسلامی كوردستان پەیامەكا پیروزباهیێ بەلاڤكر و راگەهاند: هاتنا هەیڤا رەمەزانێ لسەرجەم موسلمانان پیرۆز دكەم و خوازیارم ژ خودایێ مەزن، ڤێ هەیڤێ بكەتە وەرزێ سەركەفتنێ ژبو موسلمانان ب گشتی و ئەهلێ غەززە ژی ب تایبەتی.
ئەمیندارێ گشتیێ یەكگرتوو دپەیاما خو دا شیرەتان ل موسلمانان دكەت و رادگەهینیت: پێدڤیە موسلمان ڤێ هەیڤێ بكەنە دەلیڤە و هەوەك ژبو زڤرین بو خواندن و تێگەهشتن ل قورئانا پیروز، سالانە ئێك هەیڤ هەیە ئەو ژی هەیڤا رەمەزانێ یە وپێدڤیە بكەینە هەیڤا بخوداچوونێ و بریارێ بدەین وازێ ل كارێن خراب بینین و دەست ب كار وكریارێن باش بكەین.
ئەمیندارێ گشتی خویاكریە: روژیگرتن دروشمەكێ كریارییە و ئەو پەیامە یا قورئان ژبو مروڤایەتیێ ئینای، نابیت مروڤ ستەمێ بكەت ل دەوروبەرێن خو و خیانەتێ بكەت ژ مافێن هەڤسێیەتیێ و مروڤ پێدڤیە مافێن دایك وباب و كەس وكاران بەرچاڤ بگریت، هەروەسا ئەمیندارێ گشتی راگەهاند ژی: هەمی كەسەكێ ئیماندار و خودێ پێدایی بەشێ هەژاران و پشتەڤانیا ئیمانداران و زولملێكریان لسەر پێدڤیە پشكا وان بدەت.
