ديجيتال ميديا سپێدە:
ئەندامەكێ پەرلەمانێ عیراقێ ب روژنامەیا سەباحا نیمچە فەرمی راگەهاندیە: هەرێماكوردستانێ پێگیرنەبویە ب رادەستكرنا داهاتێ نەفتێ و داهاتێن دی یێن نافخو ب حكومەتا بەغدا ئەڤەژی خەرجیەكا دی بو عیراقێ زێدەدكەت دەمەكی دا حكومەتا ناڤەندی پێگیرە ب دورخستنا پرسا موچێ فەرمانبەران ژ ناكوكیێن سیاسی.
نازم شەبلی ئەندامێ پەرلەمانێ عێراقێ راگەهاندیە:پێشتر حكومەتا عیراقێ بەری وەخت موچە بو هەرێماكوردستانێ دهنارت ب شێوێ پێشینە و بەردەوام بوس لسەر هنارتنا پێشینەیان ژبەركو ئاریشە هێشتا ل بنەرەت دا نەهاتیە چارسەركرن ب تایبەتی هەرێمێ هیچ كوژمەكێ پارەی ژ داهاتێ نەفتێ و و داهاتێن نەنەفتی رادەستی حكومەتا ناڤەندی نەكریە.
شەبلی راگەهاندیە ژی : دەستپێكا وێ بودجا سالا 2023 هاتەدرزستكرن بو ڤێ بو هەرێم 400 هزار بەرمیلێن نەفتێ رادستی بەغدا بكەت لێ ئەڤە چێنەبوو ، پاشان ژی داهاتێن دی یێن نافخویی رادەستی بەغدا نەكرن ژبەرهندێ حكومەتا عیرافێ ب شێوێ قەر موچە بو هەرێماكوردستانێ دابین دكەت بڤێ ژی خەرجیا بكاربەر لسەر حكومەتا عیراقێ زێدەكریە.
ناوبراو ئاماژەی بەوەشكردوە: بڕیار نییە ناكۆكی وكێشە سیاسییەكان لەموچەی فەرمانبەراندا ڕەنگبدەنەوە، ئەمەش بەڵێنێكە حكومەتی عێراق پێوەی پابەند دەبێت.
ئاماژە بڤێ ژی كر: بریار نینە ناكوكی و ئاریشێن سیاسی ل موچێ فەرمانبەران رەنگڤەدەت ئەڤە سوزەكە حكومەتا عیراقێ دێ یا پێگیربیت پێ.
ئاشكرا ژی كر: چیروكەكا مەزنتر دڤێ دوسیێ دا ئەوژی ئەڤەیە كو فەرمانبەرێن هەرێمێ كینە ئەرێ ئەو هژمارە و كوژمێ پارەیی دهێتە هنارتن بو فەرمانبەرانە ژبەركو نەزەلالی ل زانیاریان هەیە و گومانێ دروست دكەت و ئەگەر ئەڤ هژمارە یا راستەقینە بیت ئەركێ بەغدایە موچەیی دابین بكەت.
