دیجیتال میدیا سپێدە:
د راگه‌هاندنەكێدا وه‌زاره‌تا دارایییا عێراقێ بەڵاڤكرییە، هەڤبەری ب ساڵت بووری ئاستێ داهاتێن نە نه‌فتی ب رێژەیا ژ سه‌دێ 19 زێدەكرییە، كو لدویڤ زانیاریینا داهاتێن نە نه‌فتی ل ساڵا 2023ێ گه‌هشتبوو ئاستەكێ پێوانه‌یی، ب ریژه‌یا ژ سه‌دێ 5 بلند ببوو بۆ ژ سه‌دا 7ێ، پێشبینی ژی دهێتەكرن داهاتێن نە نەفتی ل ساڵا 2024ێ زێدە بلندبوویە.
ئەو یەكە ژی ئێخستییە بەرچاڤ، هەڤبەری ب ساڵا بووری، داهاتێ نه‌فتێ كورت ئینان هەبوویە ب رێژه‌یا ژ 11.4% ، كو ب تێكرا ژی 125 ترلیۆن و 882 ملیار و 218 ملیۆن و 233 هزار دینار بوویه، د دەمەكیدا داهاتێ نه‌فتێ ل ساڵا 2022 زێدەتر ژ 152 ترلیۆن دینار بوویه.
ئه‌ڤە د دەمەكیدایە بەری نوكە سندوقا دراڤێن ناڤده‌ولەتی راگەهاندبوو، د بیاڤێ به‌رهه‌م ئینانا به‌رهه‌مێن نە نه‌فتیدا، عێراقێ گه‌شه‌كرنا به‌رچاڤ به‌خۆڤە دیتییە و ئابوورێ عێراقێ ب گشتی د گه‌شه‌كرنێدایە، كو دناڤ وەڵاتێن عه‌ره‌بیدا ب پله‌یا دووێ دهێت.
