دیجیتال میدیا سپێدە:
لژنا نەزاهێ ل پەرلەمانێ عیراقێ راگەهاند: بانكا ناڤەندی داخاز ژ بانكان كریە حەوالێن دەرڤە ب دولاری ئەنجامبدەن لێ بەشەك ژ وان تا نها پێگیری ڤان رێنمایان نەبووینە ژبەر هندێ ڕێكارێن بلەز ل هەمبەر دێ هێنە گرتن.
عەبدولئەمیر مەیاحی، ئەندامێ لیژنا نەزاهێ ل ل پەرلەمانێ عێراقێ راگەهاندیە: بریارە ل روژێن بهێت لژنا نەزاهێ مێڤانداریا پارێزگارێ بانكا ناڤەندی عەلی عەلاق و رێڤەبەرێ بانكێن رێپێدایی بكەت لسەر وان بنپێكاریێن ژلایێ هندەك بانكان هاتینە كرن.
مەیاحی راگەهاندیە ژی: ژلایێ بانكان بنپێكاری لسەر بریارێن بانكا ناڤەندی دهێتەكرن دەربارێ ڤەگوهاستنا كارێ حەوالێ یا كریاران ب دراڤێ بیانی بو دینارێ عیراقێ ب بهایەكێ دیاركری ژلایێ دەولەتێ ڤە ب 132 هزار دینارا بویە ئەگەرێ زیان گەهاندن ب خەلكی كو جوداهیەكا زور د بهایی دا هەیە ئەڤەژی بنپێكاریە ل رێنمایێن بانكا ناڤەندی.
مەیاحی ئاماژە بڤێ كریە: بانكا ناڤەندی داخازكریە كریار حەوالێن خو ب دولاری بكەن نەك ب دینارێ عیراقی لێ بانك پێگیری وێ رێنمایا بانكا ناڤەندی نەبوینە تانهاژی كریار حەوالا دەرڤە ب دیناری وەردگرن نەك ب دولاری.
دبێژیت ژی:لژنا نەزاهێ رولەكێ مەزن دێ هەبیت ل هەمبەر وان بنپێ:اریان ب تایبەت مێڤانداریكرنا پارێزگارێ بانكا ناڤەندی د روژێن بهێت دا دیسان رێڤەبەرێ بانكێ، رێپێدایی ژی دێ هێنە داخازكرن دەربارێ وان بنپێكاریا بریارێن بلەز ژلایێ لژنا نەزاهێ دێ هێنەدان.
