نـــووچـــه‌ گــوتــار بـه‌رنـامـه‌ درامـــا ئــابــووری پـه‌یـوه‌نـدی ده‌ربارێ مه‌
په‌خشی ڕاسته‌وخۆ

د. جەمال كوچەر: بڕیارێن دادگەها فیدرالی هەردوو حكومەتێن عیراقی وهەرێمێ پابەند دكەت ب دابینكرنا مووچەی

دیجیتال میدیا سپێدە:

د. جەمال كوچەر سەروكێ‌ كوتلا یەكگرتوو وئەندامێ‌ لژنا دارایی ل پەرلەمانێ‌ عیراقێ‌ راگەهاندیە: دوماهی بریارێن دادگەها فیدرالیا عیراقێ‌ لدور ب موچێ‌ فەرمابنەران، هەردوو حكومەتێن عیراق وهەرێمێ‌ پابەند دكەت ب دابینكرنا موچێ‌ فەرمانبەران و نابیت ژی گیرو ببیت یان ژی نەهێتە دان یان ژی زێدەتری هەیڤەكێ‌ موچە نەهێتە دان، بەلكو پێدڤیە دور بیت ژ هەڤڕكیێن سیاسی، هەروەسا پێدڤیە ب كارتا ئەلیكترونی و برێیا بانكان موچە بو فەرمانبەرێن هەرێمێ‌ بێتە دابینكرن، بریارێن دادگەها فیدرالی نابیت تانە لێ بێتە دان، حكومەتا هەرێمێ‌ ژی بەری نوكە پابەند بویە ب پتریا بریارێن دادگەها فیدرالی وەك بریارا هەلوەشاندنا پەرلەمانێ‌ كوردستانێ‌، هەلوەشاندنا كومسیونا هەلبژارتنێن هەرێمێ‌.

هەروەسا د. جەمال كوچەر راگەهاند ژی: بریارێن دادگەها فیدرالی دژی هیچ لایەنەكێ‌ دەرناچن و گوت: چەندینجاران سەروك وەزیرێن عیراقێ‌ لڤێ‌ دادگەهێ‌ سكالا لسەر هاتیە توماركرن لێ‌ سكالا دبەرژەوەندیا وی نەهاتیە ئێكلاكرن، هەروەسا چەندین كەسان سكالا لدژی سوودانی توەماركریە وبریار ل بەرژەوەندیا سوودانی دەرنەچوینە.

لدور راستڤەكرنا یاسا بودجەی ژی كوچەر دبێژیت: دنوكە دا راستڤەكرنا یاسا بودجەی ل وەزارەتا پلاندانانا عیراقییە و چاڤەرێ دهێـە كرن بو جڤاتا وەزیران بێتە رەوانەكرن و پاشێ‌ ژی بگەهیتە پەرلەمانی هەتا دەنگ لسەر بێتە دان، ئەوا ژبو هەرێمێ‌َ یا گرنگە، دوو پرسن، ئەو ژی خەرجیێن موچێ‌ فەرمانبەران ل بودجەی دا دچوارچووڤێ‌ خەرجیێن راستەقینەیێن عیراقی بێنە ژدەرڤە، بچنە سەر خەرجیێن حاكیمە، ئەڤە ژی ل پێخەمەت دوورخستنا موچێ‌ فەرمانبەران ژ بلند ونزمبوونا پشكا هەرێمێ‌ دیاسا بودجەی دا و ژبو ڤێ‌ پرسێ‌ ژی بریارا دادگەها فیدرالی دێ‌ یا هاریكار بیت. هەروەسا بابەتێ‌ دی ژی راستڤەكرنا بهایێ‌ تێچوویا دەرخستنا ئێك بەرمیلا نەفتێ‌ یە ل بودجەی دا بهایێ‌ ئێك بەرمیلێ‌ ب 9 دولاران هاتیە دیاركرن، دراستڤەكرنا پێشنیاركری دا ژبو 21 هەتا 22 بلند بكەت.

. بابه‌تی هاوبه‌ش