دیجیتال میدیا سپێدە:
جارەكا دی رونشتنا دادگەها فیدرالیا عیراقێ ژبو بریاردان ل سەر سكالایەكا تایبەت ب كورسیێن كوتایان و یاسا هەلبژارتنێن پەرلەمانێ كوردستانێ هاتە پاشخستن، لدەمەكی بریار بوو ئەڤرو دادگەهـ بریارا ئێكلاكرنێ لسەر بدەت.
ل 4ێ ڤێ هەیڤێ دادگەها فیدرالیا عیراقێ بریار بوو لسەر ڤێ پرسێ رونشتنا خو ئەنجامبدەت، لێ ئەو رونشتن بو 11ی ڤێ هەیڤێ پاشخست بو ئەڤرو ئێك شەمبیێ، ئەڤەژی ژبەركو دادگەهێ داخاز ل كومسیونێ كریە زانیاریان ل سەر هژمارا دەنگدەرێن هەرێما كوردستانێ ئاراستەی وان بكەت.
ئەڤرو جارەكادی رونشتنا دادگەهێ هاتە پاشخستن بو 18ێ شوباتێ .
رونشتنا دادگەهێ بریار بوو لسەر چوار سكالایێن جودا كومببیت، ئێك ژوانا ژی تایبەت بوو ب وێ سكالا هاتیە داخازكرن ماددێن (1،9،15،22،36) ژ یاسایا هەلبژارتنا پەرلەمانێ كوردستانێ یا ژمارە ئێك یا سالا 1992ێ ب نادەستوری ددەتە زانین كو تایبەتن ب بازنەیا هەلبژارتن وكورسیێن كوتایان.
