دیجیتال میدیا سپیدە:
وەزارەتا دارایی یا عیراقێ داخواز ژ وەزارەتا دارایی و ئابوورییا هەرێما كوردستانێ كرییە، لیستەیا مووچەیێن فەرمانبەرێن هەرێمێ بۆ بهنێریت، تا پارەیێ مووچەیێ بۆ بهنێریت.
ژێدەرەكی ژ وەزارەتا دارایی و ئابووریا حكومەتا كاربڕێكەرا هەرێما كوردستانێ ڕاگەهاندییە كو وەزارەتێ لیستەیا میلاكاتێن مووچەیێ فەرمانبەرێن هەرێمێ ڕەوانەی بەغدا كرییە، و چاڤەڕێ دهێتەكرن دڤێ حەفتیێ دا سولفەیا ئێكێ یا پارەیێ فەرمانبەران ژلایێ حكومەتا عیراقێ ڤە بۆ هەرێما كوردستانێ بهنێریت.
ژلایێ خۆڤە وەزارەتا داراییا عێراقێ ڕاگەهاندبوو كو پشتی گەهشتنا لیستەیا فەرمانبەرێن هەرێمێ بۆ بەغدا، حكومەتا عێراقێ مووچەیێ هەیڤا ئێك و مووچەیێ هەیڤێن دی ژی دێ بۆ هەرێمێ هنێریت.
ئەو یەك ڕاگەهاندنییە ئەو پڕۆسەیە دێ بەردەوام بیت تا پڕۆژە یاسایا بودجەیا 2024ێ ژلایێ پەرلەمانێ عیراقێ ڤە بهێتە ڕاستڤەكرن.
ئەڤە د دەمەكیدایە كو حكومەتا كاربڕێكەرا هەرێما كوردستانێ سێ مووچەیێن ساڵا بوووری یێن فەرمانبەران دابەشنەكرینە.
