دیجیتال میدیا سپێدە:
43 روژه لسه‌ر ئێك هێرشێن ئه‌سمانی و زه‌مینی وده‌ریای یێن سوپایێ ئیسرئایلا داگیركار بو سه‌ر كه‌رتێ غه‌زه به‌رده‌وامه و هژماره‌كا دیا كومكوژیا ل نافچێن جودایێن كه‌رتێ غه‌زه ئه‌نجامداینه.
بوردومانێن فروكێن شه‌رێن سوپایێ ئیسئرایلا داگیركار بو سه‌ر نافچێن جودایێن باكور وباشور وناڤه‌راستا غه‌زه به‌رده‌وامه ول شه‌ڤا بوری تا سپێده‌هیا ئه‌ڤرو چه‌ند جهه‌كێن ئاكنجیبونا وه‌لاتیان ل باژێرێ دێر به‌لح وخان یونس بوردومان هاتینه ئه‌نجامدان و ب ڤێ ئه‌گه‌رێ زێده‌تر ژ 100 وه‌لاتیێن فه‌له‌ستین شه‌هیدبوینه وهژماره‌كا وان زاروكن وبده‌هان كه‌سێن دی ژی برینداربوینه.
ئێڤاریا روژا ئه‌ینی سوپایێ داگیركار بوردومانا نه‌خوشخانا وه‌فا تایبه‌ت ب دانعه‌مران ل باژێرێ زه‌هر كر وب وێ ئه‌گه‌رێ رێڤه‌به‌رێ نه‌خوشخانێ شه‌هید بوو وهژماره‌كا نوژداران ژی بریندارن.
ل 7 ئوكتبوبه‌رێ وه‌ره سوپایێ جوهیێن دایگركار به‌رده‌وامه ژهێرشێن هه‌ره‌مه‌كی بو سه‌ر كه‌رتێ غه‌زه وبتنێ سڤیل وجهێن گشتی وه‌كه نه‌خوشخانه وقوتابخانه ودامه‌زراوه‌یان بوردومان دكه‌ت وتانها ژی 26 نه‌خوشخانه ل خزمه‌تكرنێ راوه‌ستیاینه و زێده‌تر ژ 12 هزار وه‌لاتیێن فه‌له‌ستینێ شه‌هیدبوینه كو 5 هزار ژوان زاروكن.
