ديجيتال میدیا سپێدە:
ژمارا شەهیدێن غەزە ژبەر هێرشێن ئاسمانیێن ئیسرائیلا داگیركار گەهشتیە 11 هزار و 500 كەسان ودەمێ 41 روژانە بوردومانا ناڤچەیێن جودا یێن كەرتێ غەززە دهێتە كرن.
نڤیسینگەها راگەهاندنا حكومەتا فەلەستین ل غەززە راگەهاندیە: ل هێرشێن ئیسرائیلا داگیركار ژبو سەر كەرتێ غەززە تا نوكە 200 كارمەندێن ساخلەمیێ، 22 ئەندامێن تیما هەوارهاتنێ و 51 روژنامەڤانان گیانێن خو ژدەستداینە.
هەروەسا ژبەر هێرشێن ئیسرائیلا داگیركار ل 7ی چریا ئێكێ وەرە، ژمارا شەهیدان ژ 11 هزار و 500 كەسان دەربازكریە،ژڤێ ژمارێ ژی 4 هزار و 710 ژوان زاروكن و 3 هزار و 160 ژن.
لدور ڤان ئاماران، ژبەر 40 روژێن بوردومانان، 29 هزار و 800 كەس ژی بریندار بوینە و ئێك ملیون و 500 هزار كەس ژی ئاوارە بوینە، و تانوكە ژی هیچ زانیارییەك ل سەر 3 هزار و 640 كەسان ل بەردەست نینە، و ژڤێ ژمارێ ژی هزار و 770 ژوان زاروكن و بێ سەروشوینن.
حكومەتا غەزە راگەهاندیە: 25 نەخوشخانە و 52 ناڤەندێن ساخلەمیێ ژی هاتینە ژناڤبرن، یان ژی ل خزمەتكرنێ هاتینە راگرتن، هەروەسا سێ كەنیسە و 162 مزگەفت ژی هاتینە بوردومانكرن و زیان پێگەهشتیە.
راگەهاند ژی: 255 قوتابخانە هاتینە بوردومانكرن و 63 ژوان ب تەمامی هاتینە وێرانكرن، و 95 بارەگەهێن حكومی ژی هاتینە وێرانكرن.
