نـــووچـــه‌ گــوتــار بـه‌رنـامـه‌ درامـــا ئــابــووری پـه‌یـوه‌نـدی ده‌ربارێ مه‌
په‌خشی ڕاسته‌وخۆ

سەردەمێ چەپەڵ و ڕویڕەشان!

دیجیتال میدیا سپێدە:
سەردەمێ چەپەڵ و ڕویڕەشان!

وەکى فەیلەسۆفێ کەنەدى (ئاڵان دۆنۆ)ى بەحس ل ڕژێما هیچى و پێچیێ (نظام التفاهة) كرى، ئەز ژى دێ بەرپەڕەکێ چەپەڵی وخویڕیاتییا ڤى زەمانى بەحس لێ کم، ب ڕاستى گەلەک دیمەنێن وێ چەندێ دیارن، لێ دێ ڤى بەرپەڕى ب سێ نمۆنەیا ب تنێ ڕەشکم:

- چەپەڵییا ئێکێ:

- فاشیزما ئاڕمانجگرتنا سڤیل و ژن و زاڕۆکان د خەستەخانە و قوتابخانە و د ماڵێن واندا و کومکۆژییا تەڤان ب وەحشیگەرى و ئەنقەست، ئەوێن زاڵمێن جۆهى و ڕژێمێن دەور و بەرێن مە ئەنجام ددن، تشتەک دن ژى وەکى ڤێ خوێڕیاتیێ دلئێش و وژدان هەژین هەیە: دەمێ ئەڤ تاوانێن جەنگێ و جینۆسایدکرن ژلایێ ڕۆژئاڤاى ب (ئەمریکا و ئۆڕۆپاڤە) پشتەڤانى بۆ ئەنجامدەرێن چەپەڵ و خوینخوار دهێتە کرن!

- ڕویڕەشییا دویێ:

دەمێ دناڤا مە موسلماناندا دبینى هندەک ڕهـدرێژێن ئەقلکورت دهاڤێژنە (جیهاد) و بزاڤێن ڕەوا یێن ڕزگارکرنا ئەرد و عەرز و جهێن پیرۆز، ئەو نە چ مرۆڤە: ئەڤێ خەباتا موباڕەک ب کارێن خراب و شاشى دهەژمێرن، بەهانەیا وان ژى مادەم تە هێزا هەڤکویڤى دژمنى نینە بۆچى دێ خەلکێ خوە بەر مەرگەسات و بەڵا کى.

باشە، ل کیژان زەمانێ هێزا مەزلۆمێن ژێردەست دەمێ بەرخوەدان و تەکۆشین دکرن ل ئاستێ یا زاڵم و سەردەستان بۆیە؟!

ئەرێ (214) ئایەتێن قورئانێ و سەدەها فەرمۆدەیێن پێغەمبەرى سڵاڤ ڵێ بن یێن ل دۆر جیهاد و خەبات و شەڕێ دژى زوڵما گاور و نەگاوران هوین دێ چ لێ کەن؟!

پڕسیارەکێ دن ژى: گەلۆ ئەوان باوەرى ب ڤێ ئایەتێ هەیە: ((كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ ۗ وَاللَّهُ مَعَ الصَّابِرِينَ)) البقرە – 249، ئانکۆ: چەند جاران کۆمەکا کێما مرۆڤان ل سەر ئێکا دیترا زێدەیا مرۆڤان سەرکەفتینە و خودایێ مەزن پشتەڤانێ کەسێن خوەڕاگر و بێهنڤرەهن.

ئەگەر ب ئەڤى لۆژیکێ سەرشۆڕى و بێفامى بت دڤییا چ جاران هەقخوازان ژ پێغەمبەر و ئیمانداران هیچ بزاڤەک ژبۆ قورتاڵبۆنێ ژ زۆرداران نەکربان، دڤییا شەڕێ بەدرێ نەهاتبایە کرن، ئەوێ ژمارا لەشکەرێ گاوران سێ جاران هندى یێ موسلمانان بوو (315) بەرامبەر زێدەترى (1000) کەسان!

- و یا سیێ:

ئەڤرۆ ڕەخنەکا توند ژلایێ بەهرەکا ناسیۆناڵیست و چالاکڤانێن باسکێ ڕاست و چەپڤە ل هەڤسۆزى و پشتەڤانییا مەعنەوى ژبۆ ڕزگاریخوزان ل هەمبەر جوهیێن داگیرکەر دهێتە کرن، هندەک ژى هەتا پشتا مەکینا کوشتار و قەسابخانەیا دگرن، بەرۆڤاژى مێژۆیا نوییا بەرهنگارى و ئازادیخوازیێ ل چەرخێ بۆرى، کو هەمى دەمان خەباتکەر و ڕزگاریخواز ل هەر پارچەکا جیهانێ بان پشتەڤانى و هەڤسۆزى ژ بۆ وان ژلایێ مللەتێن ڤێ دونیایێ هەبوو، نەخاسمە ژلایێ خەلکێ ستەمدیتى و خوەدى دۆزێن ڕزگاریخوازى، و تەڤگەڕێن ئازادیخوازیێ.

لەوا ژبلى پشتەڤانیکرنا ڕاستەڕاست و هەڤکارییا ژیوارى د ئەدەبیاتێن بزاڤێن شۆڕەشگێڕى ل چەرخێ (20)ێ و د بەلاغێن خیتامى- یێن کونگرەیێن واندا و د پڕۆگرام و پەیڕەوێن ناڤخۆیێن حزباندا هەر جار مینا ڤێ داڕشتنێ دهاتە دیتن:

" ئەم وەکۆ پاڕتا ، یان دەستەیا (...) دەربڕینێ ژ هەڤهەست و پشتگیرییا خوە بۆ خەباتا گەلێن سەرهلداى نەخاسمە گەلێ (...) دکین.

لێ ئەڤرۆ بەرۆپشت ئاش یێ دگەڕیت، هەم یێ پشتەڤانییا خوە بۆ داگیرکەرێن کوڵۆنیاڵیزم دیار دکن و دبێژنە وان هندى دەستێن وە بلند ببن هێشتا پتر تەر وهشکان بشەوتینن.

ئەرێ تو ب خۆدێ کى خوێڕیاتیەک ژ ڤێ چەندا بۆرى مەزنتر هەیە؟!

. بابه‌تی هاوبه‌ش
  • حزب وکەساتیێن چەکدار بومبەکا تەوقیتکرینە ل هەرێما کوردستانێ

    دیجیتال میدیا سپێدە:حزب و کەساتیێن چەکدار بومبەکا تەوقیتکرینە ل هەرێما کوردستانێ. پشتی ب دوماهیک هاتنا شەرێ برا کوژیێ دناڤبەرا حزبێن چەکدار ب تایبەت ئێکەتی و پارتی، کوشتنا هزاران کورێن هەژاران و تیرورکرنا سەدان کەساتیێن سیاسی ،ئەمنی، جڤاکی و ئاینی ژ

  • بۆچی ئەنجامێن ئاک پارتی د خراب بوون؟

    دیجیتال میدیا سپێدە: بۆچی ئەنجامێن ئاک پارتی دخراب بوون؟ مصعب عبدالعزیز جارێ ئەڤە هەلبژارتنن و یا ساخلەم ئەڤەیە کو هیچ لایەنەک ژسەرکەفتنا خو پشتراست نەبیت، بەری چەند ساڵا ل دەڤەرا مێرگەسورێ ژمارەکا زۆرا پەزکیڤیا مراربوون، پشتی دویڤچون هاتیە کرن، د

  • بێ مووچە، بێ نان، دێ پێشڤە چین، بەلێ بەرەڤ چ؟!

      دیجیتال میدیا سپێدە:بێ مووچە، بێ نان، دێ پێشڤە چین، بەلێ بەرەڤ چ؟! ‏‎"بێ مووچە ژی دێ كۆردستان بەرەڤ پێشڤە چتن"، كادرەكێ پێشكەفتیێ حزبی یێ خوەجهی گۆتنا ناڤبری دجیت و ڤەدجیت! ‏‎ئەز ژی دۆپات دكم ئەرێ واللە ڕاستە، بەرەڤ بەڵاڤبوونا هەژاریێ ب ڕەنگەگێ