دیجیتال میدیا سپێدە:
ئەبوبەكر هەڵەدنی بۆ رۆژناما گولانا پارتی: دیارە سی و دوو ساڵە گومركا ئیبراهیم خەلیل د دەستێ ئیسلامیاندایە!
ئەبوبەكر هەڵەدنی ب توندی بەرسڤا دەزگایێ ڕەۆشەنبیری و گۆڤارا گوڵانا پارتی ددەت،ئەبوبەكر هەڵەدنی پەرلەمانتارێ بەرێ یێ یەكگرتوو ل پەرلەمانێ كوردستان د نڤیسینەكێدا ل تۆڕا جڤاكیا فەیسبووكیدا ب توندی بەرسڤا دەزگایێ رەوشەنبیری و گۆڤارا گوڵانا پارتی ددەت.
هەڵەندنی د نڤیسینا خۆدا دبێژیت: دیارە سی و دوو ساڵە گومركا ئیبراهیم خەلیل د دەستێ ئیسلاما سیایدایە! ئەوێن سەنگەر ل كەپكێ حەمەد ئاغا وكەپكێ شیلانە لێدابووین ئیسلاما سیاسی بوو؟ ئەوێن ڕۆژەكێ پێش پاسدارو ڕۆژەكێ چاڤ ساغی فڕۆكەیێن تۆرانیان ودەمەكی دی سوری بەری لەشكرێ دەبابەیێن بەعسیان بوو دیارە هەر ئیسلامی سیاسی بوو!.
ئەوێن ل هەولێرا پایتەخت سەردەشت عوسمان ول گەرمیان كاوە ل هەمبێزا دەیكێ ئینایەدەر ول كەركووكێ سۆران و قەڵەمێ وی كوشت هەر بەڵتەجیێن ئیسلاما سیاسی بوون! ئەوێن دەرگەهێ هەرێمێ ڤەكرین بۆ بەعسیان عەفلەق كو بێ پەردە بەرەڤانی ژ سەدامێ گۆڕ ب گۆڕ دكەت هەر ئیسلاما سیاسی بوون! چوارسەد داخوازكریێن دادگەها بلندا تاوانان ل هەشت قۆناغێن هەوا ئەنفالێ فەرماندەیێن فەوجێن سوك ومەفرەزەیێن خاسە،كو نوكە كرینە شەهید یان مووچەیێ خانەنشینیا پێشمەرگەهی بۆ كرییە هەمی ئیسلامیا سیاسی ڤەحەواندبوون وپشتەڤانی لێدكرن! شێروان شێروانی وهەڤالێن وی لسەر داخوازا ڕاپۆرت نڤیسێن ئیسلاما سیاسی د زیندانێدا توند كرینە!.
ب هزاران گەنج ولاوێن كورد مشەخت دبن وب سەدانێن دی دبنە خوارنا حویتێن دەریایان ژ بێزارییا كۆشك وئاڤاهی و ترۆمبێلێن گرانبهاو شەڤێن دەم بووراندنا سەركردەو نەڤیێن ئیسلاما سیاسینە! ئەوێن ب پێل لەشفرۆش و ماددەیێن هۆشبەر وخوارن ودەرمانێ ب سەرڤەچوویی دئیننە ناڤ هەرێمێ بازرگانێن چاڤ برسیێن ئیسلاما سیاسینە! ڤێجا چ بژمێرم ل جینایەت وتاوانێن شەست ساڵێن چیایی وباژێری یێن هەوە نوكە هاتینە درەوێن خۆ دەستێن خۆ یێن ب دوهن ب ئیسلاما سیاسی پاقژ دكەن.
