نـــووچـــه‌ گــوتــار بـه‌رنـامـه‌ درامـــا ئــابــووری پـه‌یـوه‌نـدی ده‌ربارێ مه‌
په‌خشی ڕاسته‌وخۆ

فەرمانبەرێن ھەرێما كوردستانێ دشێن ژ خواندنا ل دەرڤەی وەلاتی مفاداربن

دیجیتال میدیا سپێدە:

پشكا پارێزگەھێن ھەرێما كوردستانێ ژ وان پێنج ھزار كورسیێن خواندنا بلند یێن دەرڤەی وەلاتی یێن ژلایێ حكومەتا عیراقێ ڤە ھاتینە راگەھاندن، ھاتیە جێگیركرن و فەرمانبەرێن ھەرێما كوردستانێ دشێن ب رێكا ئەڤی لینكێ ل خوارێ پێشكێشی وان كورسیێن خواندنا بلند بكەن.

https://hced.ur.gov.iq/

حكومه‌تا ئیراقێ به‌رى نوكه‌ ده‌ستپێشخه‌ریا هنارتنا 5 هزار كه‌سان بۆ خواندنێ ل ده‌رڤه‌ى وه‌لاتى راگه‌هاند بوو و وه‌زاره‌تا خواندنا بلند یا هه‌رێمێ دیاركر كو پشكا فه‌رمانبه‌رێن هه‌رێما كوردستانێ ژى تێدا هه‌یه‌.

رێڤه‌به‌رێ گشتى یێ نێردراوان و په‌یوه‌ندیێن ره‌وشه‌نبیرى ل وه‌زاره‌تا خواندنا بلند و لێكۆلینێن زانستى دبێژیت "ئه‌و پێنج هزار كورسیێن بۆ خواندنا ل ده‌رڤه‌ى وه‌لاتى هاتینه‌ راگه‌هاندن، بۆ چار سالانه‌ و د قووناغا ئێكێ دا 400 كورسى هاتینه‌ دابینكرن".

ئاشكرا ژى كر "ده‌رگه‌هێ پێشكێشكرنێ بۆ وان 400 كورسیان ل 15/8/2023 هاتیه‌ ڤه‌كرن و تا كو رۆژا 15/9/2023 دێ به‌رده‌وام بیت".

ئه‌گه‌ر هه‌ر پارێزگه‌هه‌ك پشكا خۆ ژ رێژه‌یا كورسیان د قووناغا ئێكێ دا پڕ نه‌كه‌ت، دێ د قووناغێن ل دویڤ دا هه‌ر بۆ پشكا وێ پارێزگه‌هێ مینین".

خۆیا ژى كر كو د قووناغا نوكه‌ دا پێشكێشكرن ب تنێ بۆ فه‌رمانبه‌رایه‌ و هه‌ر فه‌رمانبه‌ره‌كێ بهێته‌ وه‌رگرتن دێ مووله‌تا خواندنێ پێ هێته‌ دان.

ل گۆره‌ى مه‌رجێن خواندنا ماسته‌رێ پێدڤیه‌ ژیێ پێشكێشكارى ژ 30 سالان پتر نه‌بیت و بۆ دكتۆرایێ پێدڤیه‌ ژ 35 سالان پتر نه‌بیت، هه‌روه‌سا پێدڤیه‌ پێشكێشكار فه‌رمانبه‌ر بیت ل ئێك ژ سازیێن هه‌رێمێ یان ئیراقێ و ئاكنجیێ هه‌رێما كوردستانێ یان ئیراقێ بیت.

بۆ خواندنا هه‌مى مه‌رج و رێنمایێن پێشكێشكرنێ و پڕكرنا فۆرمێ سه‌ره‌دانا ڤى لینكى بكه‌ن:

https://hced.ur.gov.iq/

. بابه‌تی هاوبه‌ش