دیجیتال میدیا سپێدە:
پشتی بریارا دادگەها فیدرالیا عیراقێ لدور نەیاساییبوونا درێژكرنا ژیێ پەرلەمانێ كوردستانێ، ئەڤرو معاملەیێن خانەنشینكرنا 111 پەرلەمانتارێن پەرلەمانێ كوردستانێ ئاراستەی رێڤەبەریا گشتی یا خانەنشینێ ل وەزارەتا دارایی هاتنە كرن.
هەر ئەڤرو ژی دیوانا پەرلەمانێ كوردستانێ، نڤیسارا فەرمی یا خانەنشینكرنا 111 پەرلەمانتاران ب دەستەیا سەروكاتیێ ڤە ئاراستەی رێڤەبەریا گشتی یا خانەنشینێ ل وەزارەتا دارایی كریە ژبو مەرەما خانەنشین كرنا وان.
لدور چەند ژێدەران، خانەنشینكرن وان پەرلەمانتاران ڤەناگریت یێن ل پشتی 6/11/2022 سویندا یاسایی خواری و بوینە پەرلەمانتار لجهێ پەرلەمانتارێن فراكسیونا یەكگرتوو و كۆمەڵ و چەند پەرلەمانتارێن دی دەست بكار بوین.
هەروەسا موچێ خانەنشینیا پەرلەمانتاران ژی لدور سالێن خزمەتكرنێ و ژیێ پەرلەمانتاران گهورین بسەردا دهێت و دناڤبەرا 25% بو 50% یە.
هەر ئەڤرو ژی رێواز فایەق سەروكا پەرلەمانێ كوردستانێ، دناڤ پەرلەمانیدا گەریایە و مال ئاڤاهی ل فەرمانبەران و فراكسیونان كریە.
