دیجیتال میدیا سپێدە:
جڤاتا زانایان وبانگەوازا یەكگرتووی ئیسلامی كوردستان بەیانەكێ بەلاڤدكەت و تێدا داخازا دكەت: ئەو بناڤ مەلایێ سڤكاتی ب ئیمامێ ئەشعەری كری پێدڤیە بدەنە دادگەهێ و زانا و داخازكارێ گشتی ژی بهێنە سەر هێلێ.
جڤاتا زانایان و بانگەوازا یەكگرتوو رادگەهینیت: لدەمەكی هەمی موسلمانەكێ خەمخور بو ئایینێ خو دسەنگەرێ بەرهەڤیێ بویە لدژی وان هێرش وگەفێن ژلایێ هێزێن زورێن جیهانێ بو سەر ئەخلاق وهزر وباوەریا موسلمانان ئەنجامددەن، لدەمەكی موسلمانێن خەمخور خوە ب عیلم ومیكانزمێن نوی چەكداركریە لدژی وان پێكولان، تووشی حێبەتیێ بوین كەسانێن نەمەسئول وكێم سەلیقە و رەنگە دەستەكێ تێكدەر ژی دروژەڤێ دابیت، ب نەیاسایی هێرشێ دكەنە سەر هزر وبیر وعەقیدا میلەتی وسڤكاتیێ ب مەزنە زانایێن ئوممەتێ دكەن، ئەگەر تەشهیر ونەشیرینكرن دناڤ دوو كەسێن هەڤ ئاستدا خراب مەحكوم بیت، ئەرێ تەشهیر بەلكو تومەتێن ئەخلاقی وقەزف ژكەسەكێ بناڤ مەلا بو ئیمامێ ئەبو لحەسەن ئەلئەشعەری، ئیمامێ ئەهلێ سوننە و جەماعەت دێ چ تاوانەكا مەزن بیت؟! ژبیرا وان چویە پتریا موسلمانان ژ پەیرەوێن وێ رێبازێنە؟ كەسانەك بناڤێ سەلەفان هێرشێ دكەنە سەر ئیمامێ ئەشعەری.
دەزگەهێ زانایان و بانگەوازا یەكگرتوو راگەهینیت: ئەڤ هێرشا نە رەوا و نەئەخلاقی ژكیڤەیا دین و زانستی و ئازادیا هزر و نەرین وپێكڤە ژیانێدا جهێ وێ دهێتەكرن؟ دانا رێكێ بڤان جورە كەس و دەنگێن نەشاز ئەرێ ژبلی ئالوزیا ئەهلی و ب هەدەردانا وزێ و ژیان و توندیێ و سڤكاتی ب سەرجەم زانا و پێشینان و رەمزێن مللەتی چیێ دی لێ بەرهەم دهێت؟ ژبلی وێ یەكێ ئەڤە دبیتە گەف بو سەر ناسناما ئایینی و ئاشتیا مەیا ئەهلی.
لەورا ئەركێ هەمی دلسوزانە رێكێ ژڤی رەوتێ تێكدەر بگرن و زانا و داخازكارێ گشتی بهێنە پێش و ڤێ بادەكێ بەرەڤ دادگەهێ ببەن، پاشی هەوەكا راستڤەكرنێ و رونكرنان بهێتە ئەنجامدان، ژوانا گرنتر ئەوە بابەت نەهێتە سیاسیكرن و دەسەلاتدار وازێ ژیاریكرنێ بڤان جورە بابەتان بینن، ئەڤە ستەمەكە ملێ دیروكا مەزنە زەلامێن ئوممەتێ و ناسنامە و ئایینێ مللەتێ مە گرتیە و چارەسەریا یاسایی و زانستی نەهێتەكرن، دەرگەهێ بەرسڤدانا شاش و دەستێوەردانا نەحەزێن دوور و نێزیكێن مە دێ لێ ڤەكەتەڤە.
هەروەسا ئەم ل جڤاتا زانایان و بانگەوازا یەكگرتوو سەرباری ئیدانەكرنا ڤان هێرشێن نەڕەوا، خازیارین هەمی لایەك بەرپرسانە و ب سەلیقە و ئارامیڤە سەرەدەریێ دگەل نازكییا ڤێ رەوشێ و ئەركێ رێگریێ ژبەلاڤبوونا وێ بكەت، هەروەسا برێكا دادگەهێ و رێكارێن مەدەنی تەعبیرێ ژبەرەڤانیا مەزن یا زانایێن مە و ناسنامەیا عەقیدەیا گەلێ مە بكەن.
