دیجیتال میدیا سپێدە:
لژنەیا ڤەگوهاستن و پەیوەندیكرنێ ل پەرلەمانێ عیراقێ راگەهاند: گرنگە یاسایا وەبەرهێنانێ راستڤەكرن بو بهێتەكرن، داكو كومپانیێن جیهانی بەرەڤ عیراقێ بهێن، هەتا لبیاڤێ كەرتێ تەكنەلوژیایا زانیاری و پەیوەندیكرنێ كار بكەن.
زوهەیر شەهید فەتڵاوی ئەندامێ لیژنا ڤەگوهاستن و پەیوەندیكرنێ ل پەرلەمانێ عیراقێ راگەهاندیە: یاسایا وەبەرهێنانێ دنوكەدا هیچ پشتەڤانیەك تێدا نیە بو راكێشانا وەبەرهێنەرێن بیانی بو ناڤا وەلاتی.
لەورا پێدڤیە كار بهێتەكرن بو دابینكرنا سەقایەكێ باش و راكێشانا وەبەرهێنەران ژپێناڤ پێشخستنا ژێرخانا وەلاتی و داخلكرنا تەكنەلوژیایا پێشكەفتی. ئاماژەكر: عیراقێ دەرفەتا وەبەرهێنانا مەزن و جودا تێدایە.
گوتژی: راكێشانا وەبەرهێنەرێن بیانی بو ناڤا عیراقێ یا لاوازە، ئەڤەژی ژبەر پەسەند نەكرنا یاسایا وەبەرهێنانێ.
