دیجیتال میدیا سپێدە:
ب دابه‌زاندنا دیناری به‌رامبه‌ر ب دۆڵاری، عێراقێ زێدەتر ژ 242 ملیار دیناران کۆمڤەكرینە.
بیلال سەعید، سەرۆكێ ئینستیوتا ئابووری ب ژمارە راگەهاند: لگورەی شیكارییەكا ئینستیوتا ئابووری ب ژمارە، حكومەتا عێراقێ بتنێ د دەمێ (20.12.2020 بۆ 16.1.2021) ب دابەزاندنا بهایێ دیناری ژ 119هزار دیناران بۆ 146هزار دینار كوژمەیێ 242ملیار و 736ملیۆن 944هزار دیناران داهاتێ زێدەتر كۆمڤەكرینە.
هه‌روه‌سا ناڤهاتی بەحس ژ وێ یەكێ كر: ئه‌گه‌ر حكومه‌تا عێراقێ ئێخستنە بازاری یا دۆلاری ب هه‌مان بهایێ ڕابووری 119 هزار دیناران ئه‌نجام دابا، بتنێ كوژمەیێ 1ترلیۆن و 69ملیارو 840ملیۆن و 605هزار دینارێن دا بدەستكەڤن، لێ ب جێبجێكرنا دابه‌زاندنا بهایێ دینار بۆ 146 هزار دینار كوژمەیێ 1ترلیۆن و 312ملیارو 577ملیۆن و 459 هزار دیناران بده‌ستكه‌فتینە، واته 18.49% زێدەتر بده‌ستكه‌فیە.
سەرجەمێ قەبارەیێ ئێخستنا بازاری یا دۆلاری ژلایێ بانكا ناڤەندی یا عێراقێ پشتی بڕیارا دابەزاندنا بهایێ دیناری ژ 119 هزاران بۆ 146هزار دیناران د دەمێ (20.12.2020 بۆ 16.1.2021) كوژمەیێ وێ بتنێ 899 ملیۆن و 25هزار و 719 دۆلار بووینە.
عێراقێ بڤێ بڕیارێ بڤی شێوەی مفا كرییە: سەرجەمێ ئێخستنا بازاری 20.12.2020 - 16.1.2021 899,025,719 ملیۆن دۆلاران گۆهۆڕین بۆ دینار ب بهایێ بەری نوكە (119 هزار دینار) 1,069,840,605,000 ترلیۆن دیناران گۆهۆڕین بۆ دیناری ب بهایێ نوی (146 هزار دینار) 1,312,577,549,000 ترلیۆن دینار سەرجەمێ مفایی ژ ئەگەرێ بلندكرنێ 242,736,944,000 ملیار دینار بووینە و ڕێژه‌یا مفایی: 18.49% بوو.
