ديجيتال ميديا سپێده:
شازادێ جێنشینی سعودیێ، وسەرۆكوەزیرێن عیراقێ داخازا پابەندبوون ب رێككەفتنا ئوپێك+ ژبو كێمكرنا بەرهەمئینانا نەفتێ كریە.
ئاژانسا نووچەیا فەرمیا سعودییێ بەلافكریە:محەممەد بن سەلمان شازادێ جهڤەگرێ سعودیێ ومستەفا كازمی سەرۆك وەزیرێن عێراقێ پەیوەندییەكا تەلەفۆنی ئەنجامدا ل ڤی كڤانیدا بەحس ل پێكولان ژبو سەقامگیری یا بازارێ جیهانیێ نەفت ودووبارە ڤەگەراندنا هەڤسەنگیێ ژبو بهایێ نەفتێ و بازاری كرییە.
شازادێ جێنشینی سعودیێ، وسەرۆك وەزیرێن عیراقێ هەڤدەم تەكەزی ل گرنگیا پێگیربوونا تەڤایا وەلاتێن ئەندام كر ل رێككەفتنا ئوپێك + وچەوانییا قەرەبووكرنا ئەو گوژمێ لسەر رێككەفتین.
هەیڤا نیسانا دەربازبووی، كومەلا ئوپێك+ رێككەفتن لسەر كێمكرنا نەفتێ ب برا 9 ملیون و 700 هزارێن روژانە ل دەسپێكا هەیڤا ئایارێ هەتا كو دوماهیا حوزەیرانێ و دیڤدا ژی ل هەیڤا ئاب هەتا كو 2020 بهێتە كێمكرن ژبو حەفت ملیون و 700 هزاران و ل دەسپیكا سالا 2021 هەتا كو دوماهیا هەیڤا 2022 ب بڕا پێنج ملیون و 800 هزار بەرمیلێن روژانە بهێـتە كێمكرن. عیراق ل وان وەلاتان بوو كو زێدەتری وێ برا نەفت بەرهەم دئینا كو ژبو هاتبوو دیاریكرن.
