دیجیتال میدیا سپێده:
وەزارەتا نەفتا عیراقێ راگەهاند: سەرجەمێ وێ نەفتا بۆ دەمێ شەش هەیڤێن رابووری یێن ئەڤ سالە، رەوانەكری، گەهشتیە زێدەتر ل 593 ملیون بەرمیلێن نەفتێ، وئاماژە ب وێ یەكێ ژی كر: 32 كومپانیێن جیهانی نەفتا خام یا عیراقێ كریە.
كومپانیا بازاركرنا نەفتا عیراقی، سۆمۆ، سەر ب وەزارەتا نەفتا عیراقێ راگەهاند: ل شەش هەیڤێن ئەڤ سالە،سەرجەمێ وێ نەفتا رەوانەكری گەهشتیە 593 ملیون و 171 هزار و 326 بەرمیلان.
راگەهاند ژی: رێژا رەوانەكرنا هەیڤانە ژی گەهشتیە 98 ملیون و 861 هزار بەرمیلان و رۆژانە ب رێژا سێ ملیون و 189 هزار بەرمیلان.
خویاكریە ژی: داهاتێ فروتنا نەفتا خام یا عیراقی ژی گەهشتیە 20 ملیار و 503 ملیون دولاران وهەیڤانە ژی ب رێژا سێ ملیار و 417 ملیون و 194 هزار دولاران، وكومپانیا سۆمۆ ئاشكراكر ژی: 32 كومپانیێن جیهانی یێن ئاسیایی وئەورۆپی وئەمریكی نەفتا عیراقی كڕییە.
بهایێ نەفتێ ل جیهانێ ل دابەزینێ دایە و بۆ هەر بەمیلەكا نەفتێ ب 14 دولارانە، وڤێ ژی كارتێكرن كریە سەر بەرهەمئینانا نەفتا وەلاتان و ب تایبەتی ژی عیراقێ ئەو ژی بۆ بودجه‌یا گشتی یا ولاتی ب رێژا 90% پشتا خۆ ب فروتنا بەرهەمێن نەفتێ گرێدده‌ت.
