دیجیتال میدیا سپێده:
رێكخراوا وەلاتێن هنارتنا نەفتێ ئوپێك و هه‌ژمارەكا وەلاتێن بەرهەمهێنەرێن نەفتێ ژ دەرڤەی رێكخراوێ، بریاردا ل هەیڤا داهاتی رۆژانە 9 ملیون و 7 پوینتێن بەرمیلێن نەفتا خاڤ كێم بكەن.
دراگه‌هاندنه‌كێدا رێكخراوا ئوپێك بەلاڤكر: ئەو گروپێ ب ئوپێك پلەس دهێتە نیاسین و ژ 23 وەلاتان پێكهاتیە، ل رۆژا ئێكێ ئه‌یارێ هەتا 30ێ خیرانێ رۆژانە دێ 9 ملیون و 7 پوینتان ژ بەرمیلێن نەفتا خاڤ كێمكەن.
گوت ژی: كوژمه‌یێ كێمكرنا بەرهەمێ نەفتا خاڤ رۆژانە دناڤبەرا ئێكێ تەمموزێ هەتا 31ێ كانونا ئێكێ ب درێژاهیا شەش هەیڤان، دێ 7 ملیون 7 پوینتێن بەرمیلێن نەفتێ بن.
هەروەسا دناڤبەرا ئێكێ كانوونا دوویێ یا سالا 2021ێ هەتا 30ێ نیسانا 2022ێ بدرێژاهیا 16 هەیڤان دێ 8 ملیون و 5 پوینتێن بەرمیلێن نەفتێ بن.
ئه‌و یه‌ك ژی دیاركر: سه‌ركێشا ئوپێكێ، سعودیە و سه‌ركێشێن وەلاتێن دەرڤەی ئوپێك، رووسیا كوژمه‌یێ كێمكرنا بەرهەمێ رۆژانە زێدەتری 11 ملیون بەرمیلان دێ هه‌ژمار كەن.
هەروەسا ئەڤ رێككەفتنا كێمكرنا نەفتێ هەتا 30ێ نیسانا 2022ێ دێ یا بەردەوام بیت، وەلاتێن ئوپێك پلەس ل كانوونا دوویێ یا 2021ێ دووبارە دێ رەوشێ گوت و بێژ كەنەڤە.
هەروەسا وەلاتێن ئەندام ل 10ێ خزیرانێ دێ برێكا تیلی كونفرانسێ كومبوونا داهاتی ئەنجام دەن.
