دیجیتال میدیا سپێده:
سه‌رۆكێ ئه‌مریكا، دۆناڵد تره‌مپ سوپاسیا هه‌ر ژ سه‌رۆكێ رووسیا، ڤلادیمیر پوتین و جهنشینێ سعوودیێ، شازاده محەمەد بن سه‌لمان-ی كر ب هه‌لكه‌فتا رێككه‌فتن لدور كێمكرنا به‌رهه‌مئینانا نه‌فتێ.
ب هه‌لكه‌فتا ئه‌و رێككه‌فتنا لدور كێمكرنا به‌رهه‌مئینانا نه‌فتێ ئه‌نجامدایی ، سه‌رۆكێ ئه‌مریكا، دۆناڵد تره‌مپ سوپاسیا هه‌ر ئێك ژ سه‌رۆكێ رووسیا، ڤلادیمیر پوتین
و جهنشینێ سعوودیێ، شازاده محه‌مه‌د بن سه‌لمان-ی كر.
د راگه‌هاندنه‌كێدا كو ژلایێ كۆشكا سپی به‌ڵاڤكرییه، به‌حس ل وێ یه‌كێ كرییه كو تره‌مپ ب جودا په‌یوه‌ندییێن ته‌له‌فۆنی دگه‌ل هه‌ر ئێك ژ پوتین و
بن سه‌لمانی ئه‌نجامدایه.
د په‌یوه‌ندیێن ته‌له‌فۆنیدا، تره‌مپی ئاماژه ب وێ یه‌كێ كر كو ب هه‌ردوو سه‌ركرده‌یان راگه‌هاندییه ب خۆشحاڵیڤه پێشوازی ل هاریكاریا دناڤبه‌را واندا كر ،و دگه‌ل وه‌ڵاتێن دیتر یێن به‌رهه‌مهێنه‌رێن نه‌فتێ و ب هه‌لكه‌فتا ''هه‌ستیارییا لدور ڤه‌گه‌ڕیانا به‌رهه‌مێ نه‌فتێ بۆ ئاسته‌كێ گونجایی دگه‌ل بازاڕێن وزه و دارایی یێن جیهانیی'' سوپاسیا پوتین و بن سه‌لمان-ی كرییه.
دوهی سه‌رۆكێ رووسیا، سه‌رۆكێ ئه‌مریكا و جهنشینێ سعوودیێ گوت و بێژكرن لدور كێمكرنا به‌رهه‌مئینانا نه‌فتێ و رێككه‌فتن.
لگوره‌ی رێككه‌فتنێ ئه‌ندامێن ئۆپیك+، رۆژانه ١٠ ملیۆن به‌رمیلێن به‌رهه‌مئینانا نه‌فتا خام كێم بكه‌ن، ئارمانج ئه‌وه ب به‌شداریكرنا وه‌ڵاتێن جی٢٠ كو ئه‌ندامێن گرووپی نینن به‌رهه‌مێ رۆژانه‌یێ نه‌فتێ بگه‌هیته ٢٠ ملیۆن به‌رمیلان.
تره‌مپ ل تویته‌ری راگه‌هاند ''رێككه‌فتنا مه‌زنا نه‌فتێ دگه‌ل ئۆپیك+ ته‌مامبوویه. ئه‌ڤه ل ئه‌مریكا ب هزاران ده‌لیڤه‌یێن كارێ وزه‌یێ رزگار دكه‌ت. ده‌ستخۆشیێ ل رووسیا و سعوودیێ دكه‌م".
