دیجیتال میدیا سپێده:
سندوقا داهاتێن نشتیمانی یا رووسی بەلاڤكر: موسكو و ریاز ژ رێككەفتنا نەفتێ نێزیك بووینە و دێ بیتە ئەگەرێ جێگیربوونا بازارێ نەفتێ.
كیریل دمیترییف سەرۆكێ سندوقا داهاتێن نشتیمانی یا رووسیا راگەهاند: رووسیا كاردكەت ب رەنگەكێ باوەرپێكری دگەل دەستهەلاتدارێن ئەمریكی بۆ بەشداریكرنا وان د نزمكرنا بەرهەمهئینانا نەفتێ دا.
هەروەسا سعودیە ژی راگەهاندیە: كومبوونەكا بلەز یا هەڤپەیمایا ئوپێك و بەرهەمهێنەرێن سەربەخۆ ل روژا پێنج شەمبیی دێ هێتە ئەنجامدان ب رێیا تەلەفزیونێ.
وی بەرپرسێ رووسی ئاشكراكر: بازارێ نەفتێ ژی ڤێ رێككەفتنێ ب گرنگ ددەتە زانین و دێ بیتە ئەگەرێ جێگیر بوونا بازاری و ئەم نێزیكین ژ رێكەفتنێ.
دیمیتریف گوت ژی: رووسیا و سعودیە وئەمریكا و وەلاتێن دیتر، پێدڤیی ب جێگیربوونا بازارێ نەفتێ هەیە د بازارێن جیهانی دا، به‌ری نوكه ژی كۆچكا كرملن یا رووسی بەلاڤكربوو: رووسیا دڤێت دانوستاندنان د بازارێ نەفتا جیهانی دا بكەت لسەر پیڤەرێ جێبجێكرنا بەرژەوەندیێن بەرهەمهێنەر و بكاربەران پێكڤە، بۆ زێدەتر جێگیربوونا بازارێ وزه‌یێ ل جیهانێ دا.
پێشبینی دهێتە كرن ئوپێك وبەرهەمهێنەرێن سەربەخۆ ل جیهانێ، بگەهنە رێكەفتنێ بۆ نزمكرنا بەرهەمئینانا نەفتێ بۆ نێزیكی 10% یا نەفتا بەردەست یان ژی 10 ملیون بەرمیلێن رۆژانە دبازاریدا.
