دیجیتال میدیا سپێده:
هەر ئێك ژ هێزێن هەسەدە و مەسەدە و ئیدارەیا خوسەر كومبوونەكا سێ قولی ئەنجامدا و رادگەهینن: گوتوبێژ لسەر گرنگیا بەشداریكرنێ د ئیدارەیا نوی یا دیمەشقێ كریە.
هێزێن سوریا دیموكرات هەسەدە رادگەهینیت: مە كومبوونەكا سێ قولی دگەل هەر ئێك ژ مەسەدە وئیدارەیا خوسەر ئەنجامدا وتێدا تەكەزی لسەر گرنگیا گوتوبێژان دگەل حكومەتێ ل دیمەشقێ كر، ئەڤە ژی ل پشتی وێ یەكێ بریار دابوو ژبو ئێكخستنا هێزێن خو دگەل سوپایێ سوریا نوی و كاركرن دگەل دام و دەزگەهێن دەولەتی.
هەسەدە راگەهاند ژی: دكوبوونێ دا تەكەزی ل سەر پەروشییا سەرخستنا گوتوبێژان دگەل دیمەشقێ وپێدڤیا ڤەدیتنا چارەسەریان ژبو هویركاری و پرسێن تایبەت كر، وەك تێكەلكرنا دامەزراوێن سەربازی وئیداری، زڤراندنا ئاوارەیان ب زوری ژبو باژێرێن وان، هەروەسا چارەسەركرنا هەمی پرسێن گرێدایی ب دەڤەرێ برێیا گوتوبێژ و لێكگهورینا جێبەجێكرنێ.
دكومبوونێ دا بریار هاتیە دان دەست بكەن ب ئەنجامدانا زنجیرەیەكا كومبوونێن نافخویی ل سەرجەم باژێرێن باكور و روژهەلاتا سوریا، هەروەسا دگەل نوونەرێن نوخبە و سەرجەم تەخ و چینێن جڤاكی، ب ئارمانجا گەهشتن ب بەشدارییەكا كاریگەر و هەمەلایەنی یا سەرجەم پێكهاتان دپروسا سیاسی دا.
