دیجیتال میدیا سپێده:
فەرماندێ گشتیێ هێزێن سوریا دیموكرات رادگەهینیت: مە هیچ ئاریشەك نینە كو هێزێن سوریا دیموكرات ببنە بەشەك ژ سیستەمێ بەرەڤانیا سوریا، لسەر ڤێ یەكێ هەڤدیتن بەردەوامن، نێڤەندگێر دناڤبەرا مەدانە.
مەزڵووم عەبدی فەرماندێ گشتیێ هێزێن سوریا دیموكرات هەسەدە بۆ ئاژانسا ئەسیۆشەیتد پرێس راگەهاندیە: هیڤی خازین سوریایەكا نوی بهێتە ئاڤاكرن، نەك هەمان ئەزموونا رژێما بەعس دووبارە بكەتەڤە.
لبارا دانوستانێن دناڤبەرا واندا دگەل ئیدارا نوی یا سوریا، مەزلوك عەبدی دبێژیت: هەڤدیتن بەردەوامن، نێڤەندگێر دناڤبەرا مەدانە. نێزیكبوونامە دگەل حكومەتا شامێ، دێ لسەر ئەنجام و دەستكەفتێن دانوستانان بن.
لبارا چارەنڤیسێ هێزێن سوریا دیموكرات، عەبدی ئاماژێ دكەت: مە هیچ ئاریشەك نینە كو هێزێن سوریا دیموكرات ببنە بەشەك ژ سیستەمێ بەرەڤانیا سوریا، لێ ڤێ یەكێ دانوستان پێدڤینە، لەورا چێدبیت لدەمەكێ وەها زوودا نەهێتەكرن.
